تازہ ترین
تاجر رہنما نے کہا کہ اہم تجارتی مراکز سیل ہونے سے دیگر مارکیٹوں میں خریداروں کے رش میں اضافہ اور ہجوم بے قابو ہو رہا ہے۔ لہذا سیل کی گئیں مارکیٹوں کو فوری طور پر کاروبار کی مشروط اجازت دی جائے۔
عتیق میر نے کاروبار کو جاری رکھنے کے معاملے میں حکومت سے معاونت طلب کرتے ہوئے کہا کہ حکومتی ادارے عیدالفطر تک مارکیٹوں میں عوام کو محدود رکھنے میں تاجروں کی مدد کریں۔ کاروبار کا وقت کم ہونے سے خریدار ہڑبڑاہٹ کا شکار ہیں۔ افطار کے بعد رات 12 بجے تک کاروبار کا وقت بڑھایا جائے۔
انہوں نے اعتراف کیا کہ عوام کے بڑھتے ہوئے رش کے باعث عید الفطر تک حفاظتی تدابیر اختیار کرنا مشکل ہورہا ہے۔ عید سیل پر عوامی رش کے باعث ادارے تاجروں کے خلاف سخت کارروائی سے گریز کریں۔
