کراچی (پ ر) آل پاکستان ٹمبر ٹریڈرز ایسوسی ایشن اور کراچی ٹمبر مرچنٹس گروپ کے صدر اور آل سٹی تاجر اتحاد ایسوسی ایشن رجسٹرڈ کے چیئرمین شرجیل گوپلانی سے ابن سینا فرنیچر مارکیٹ‘ لیاقت آباد کے صدر‘ آل سٹی تاجر اتحاد ایسوسی ایشن رجسٹرڈ کے فرنیچر گروپ کے کنوینر حسیب اخلاق کے ہمراہ ایک وفد نے ملاقات کی‘ جس میں انہوں نے فوم مینوفیکچرز کی جانب سے فوم کی قیمتوں پر تشویش کا اظہار کیا۔ شرجیل گوپلانی نے کہا کہ کمپنیوں کی جانب سے فوم کی قیمتوں میں اضافے کی وجہ سے ملک کی معیشت کو نقصان پہنچے گا۔ فرنیچر کی فروخت ویسے ہی زبوں حالی کا شکار ہے‘ رہی سہی کسر فوم کی بڑھتی ہوئی قیمتیں پورا کردیں گی۔ حکومت فوری طور پر اس میں مداخلت کرے فوم مینوفیکچرز کے ساتھ میٹنگ کرکے اس مسئلے کو حل کیا جائے۔ اگر اس معاملے میں ٹیکسز کا مسئلہ ہے یا کسی قسم کی مراعات دینے کا معاملہ ہے تو انہیں مراعات دے کر اس صنعت کو بچایا جائے۔ کینکہ لاکھوں لوگوں کا روزگار اس صنعت سے وابستہ ہے۔ پاکستان فرنیچر ایکسپورٹ کرکے ملین ڈالرز زرِمبادلہ بھی کماسکتا ہے۔

آل سٹی تاجر اتحاد ایسوسی ایشن رجسٹرڈ کے صدر محمد شرجیل گوپلانی نے حکومت پاکستان سے مطالبہ کیا کہ اس معاملے پر فوری طور پر سنجیدگی سے نوٹس لیا جائے کیونکہ اس صنعت سے بے شمار لوگوں کا روزگار وابستہ ہے۔ موجودہ صورت حال میں فوم کی قیمتوں میں اضافے سے فرنیچر بنانے اور فروخت کرنے والے افراد مشکلات کا شکار ہوگئے ہیں۔ انہوں نے مزید کہا کہ اس مشکل گھڑی میں آل پاکستان ٹمبر ٹریڈرز ایسوسی ایشن‘ کراچی ٹمبر مرچنٹس گروپ اور آل سٹی تاجر اتحاد ایسوسی ایشن رجسٹرڈ فرنیچر مارکیٹ کے لوگوں کے ساتھ ہے اور ہر قسم کے احتجاج میں شریک ہوگی۔ انہوں نے حکومت سے درخواست کی کہ اس معاملے کا فوری پر سنجیدگی سے نوٹس لیا جائے اور فوم مینوفیکچرز کو پرانی قیمتیں بحال کرنے کے لیے ہدایات دے۔ تاکہ فرنیچر سے وابستہ لوگ معاشی بدحالی سے بچ سکیں۔

آل پاکستان ٹمبر ٹریڈرز ایسوسی ایشن اور کراچی ٹمبر مرچنٹس گروپ کے صدر شرجیل گوپلانی نے حکومت سے اپیل کی ہے کہ فیکٹری مالکان کارٹیل بناکر ۵۲ فیصد اضافہ کرچکے ہیں اور مزید قیمتیں بڑھانا چاہتے ہیں لہٰذا ان فیکٹری مالکان کے اکاو¿نٹ آڈٹ کرنے کا حکم دیا جائے اور جب تک قیمتیں کم نہیں کی جاتیں‘ اس وقت تک فوم کو برامد کرنے کے لیے ڈیوٹی صفر فیصد کی جائے۔
وفد میں حسیب اخلاق کے علاوہ ای مارکیٹ فرنیچر ورکشاپ ایسوسی ایشن کے صدر ارشاد احمد عثمانی‘ نائب صدر محمد حنیف‘ جنرل سیکریٹری محمد قاسم‘ شمشاد علی و دیگر نے آل پاکستان ٹمبر ٹریڈرز ایسوسی ایشن اور کراچی ٹمبر مرچنٹس گروپ کے صدر شرجیل گوپلانی کا تعاون کی یقین دہانی پر شکریہ ادا کیا۔