کوٹ مومن: ضلعی صدر تحریک انصاف سرگودھا انصراقبال ہرل نے کہا ہے کہ حکومت کی جانب سے یکساں سلیبس کا فیصلہ تاریخی اس سے دوررس نتائج برآمد ہوں گے۔ ہر امیر غریب کا بچہ بلا تفریق ایک سلیبس پڑھے گا۔

وہ نجی اسکول کی افتتاحی تقریب سے خطاب کررہے تھے۔ انہوں نے کہا کہ میٹرک تک سیرت نبویﷺ پڑھانے کا فیصلہ بھی ریاست مدینہ کی جانب ایک قدم ہے۔

انہوں نے کہا کہ کوٹ مومن نے تعلیمی ادروں کے قیام کے سلسلہ میں بڑی تیزی کے ساتھ ترقی کی ہے۔ یہاں پر معیاری تعلیمی ادروں کے کیمپس موجود ہیں انہوں نے کہاکہ آنے والے الیکشن سے قبل کوٹ مومن تبدیل ہوکر ایک ایسے شہر میں تبدیل ہوجائے گا، جس پر ہرشہری فخر کرے گا۔

انہوں نے کہاکہ ماضی کے سیاست دانوں کی کبھی بھی کوٹ مومن ترجیح نہیں رہا ہے۔ اس موقع پر ملک ظہور احمد، عارف لک، کرنل عمرلک، مہر عبدالرحمن لک، خالد رانجھا، ڈاکٹر قمر فاروق، رانا الماس حنیف، قاری ضیاء نعیم سمیت دیگر بھی موجود تھے۔

مزید برآں گورنمنٹ گرلز ایلیمنٹری اسکول چک 20 جنوبی میں یوم ثقافت منایا گیا۔ تقریب کے مہمان خصوصی انصر اقبال ہرل اور حافظ عبدالمنان بیگ اے سی کوٹ مومن تھے۔ ہیڈ مسٹریس عفت زہرہ گوندل نے اسکول کی کارکردگی رپورٹ پیش کی، جبکہ طالبات نے ٹیبلوز کےزریعے پنجاب کی ثقافت اجاگر کرنے کی کوشش کی۔