تازہ ترین
سابق آمر مشرف کو آئین توڑنے پر سزائے موت کا حکمپی ٹی آئی رکن پنجاب اسمبلی نے 37 ایکڑ زمین ہتھیالی’’سارے پاکستان میں ملک ریاض جیسی مافیا سرگرم ہے‘‘اوورسیز پاکستانیوں کی قانونی معاونت کیلئے ادارہ بنانے کا فیصلہاظہر علی ٹیسٹ اور بابر ٹی ٹوئنٹی کپتان مقرر۔ سرفراز فارغمولانا فضل الرحمان کا دھرنے کا اعلان۔ کنٹینرز بھی بنوالئےالیکشن کمیشن ارکان کے مستقبل کا فیصلہ ہونے کے قریبزلزلے سے اموات کی تعداد 38 ہوگئی۔ سینکڑوں افراد بے یارو مددگاربائیو میٹرک تصدیق کے باوجود بینک اکاؤنٹس آپریشنل نہ ہونیکی شکایاتملکی تاریخ میں پہلی بار مرغی 400 روپے کی ہوگئیگستاخ ٹیچر نوتن لعل کو قرار واقعی سزا دینے کا مطالبہنارتھ کراچی صنعتی ایریا میں ڈاکوؤں کا راجپنجاب حکومت نے ایڈز کنٹرول پروگرام کے فنڈز روک لئےافغانستان میں این ڈی ایس کمپاؤنڈ کے قریب دھماکہ۔ 30 ہلاکافغان طالبان کے حملے تیز۔ غنی حکومت کیلئے الیکشن درد سر بن گیاپولیسٹر فلامنٹ یارن پر دوبارہ ریگولیٹری ڈیوٹی عائد کئے جانے کا امکانسیاسی قیدیوں کو ڈیل پر مجبور کرنے کیلئے بلیک میلنگ شروعوفاق میں ساری ٹیم مشرف کی ہے۔ رضا ربانیپی ٹی آئی حکومت کے خاتمے کیلئے نواز شریف کا بڑا فیصلہسنسرشپ کا سامنا کرنے والے ممالک میں پاکستان کا 39واں نمبر

یومِ آزادی پر چوری شدہ نغمے کا استعمال

Pakistan flag
  • واضح رہے
  • اگست 12, 2019
  • 10:28 شام

زیبز گینگ (xaib’s gang) کے گیت ’’امید‘‘ کو بینڈ کی اجازت کے بغیر سرکاری ٹی وی سمیت سوشل میڈیا ویب سائٹس پر چلا دیا گیا ہے

پاکستانی راک بینڈ xaib’s gang کے گلوکار زیب کا تیار کردہ ایک تحریکی گیت چوری کر لیا گیا ہے اور بینڈ کی اجازت کے بغیر اسے جشن آزادی کی مناسبت سے سرکاری ٹی وی سمیت دیگر چینلز اور سوشل میڈیا پر نشر کردیا گیا ہے۔ ’’امید‘‘ کو کاپی رائٹس قوانین کی خلاف ورزی کرتے ہوئے اصل بینڈ زیبز گینگ کی ویڈیو جاری ہونے سے پہلے ہی لانچ کیا گیا ہے، جسے پاکستانی میوزک انڈسٹری کیلئے بڑا دھچکہ قرار دیا جا رہا ہے۔

معلوم ہوا ہے کہ burgeonentertainment ’’برجیون انٹرٹینمنٹ‘‘ نے جب زیبز گینگ کے نغمہ کو چُرا کر اپنی تئیں ریلیز کیا تو اس وقت گلوکار زیب اور ان کے بینڈ ارکان مذکورہ گیت کی ویڈیو ایڈٹنگ میں مصروف تھے۔ نغمے کی ویڈیو شوٹ رواں برس کے اوائل میں ہوئی تھی۔ اس حوالے سے مزید تفصیلات سامنے نہیں آسکی ہیں کہ آیا زیبز گینگ ’’امید‘‘ کو یومِ آزادی کے موقع پر لانچ کرنا چاہتا تھا یا نہیں۔

راک بینڈ نے گلوکار زیب کی اپنی آواز میں گایا ہوا مذکورہ نغمہ ’’امید‘‘ گزشتہ برس یونیورسٹی میں تھیسیس کیلئے بننے والی ایک شارٹ فلم کیلئے چند طلبا کو فیور دیتے ہوئے دیا تھا۔ بہترین موسیقی، خوبصورت آواز اور جاندار شاعری کی بدولت مذکورہ گیت نے کراچی میں درختوں کی کمی کے حوالے سے بننے والی فلم کو چار چاند لگا دیئے تھے اور یہ شارٹ فلم مقابلے میں پہلے نمبر پر رہی تھی۔ تاہم بعد ازاں طلبا نے بینڈ اور اس کے گلوکار زیب کے ساتھ دھوکہ کرتے ہوئے اس کی ایک علیحدہ ویڈیو تیار کرلی اور اس ’’آفیشل ویڈیو‘‘ کو یوم آزادی کے موقع پر ریلیز کر دیا، جس میں گلوکار کو شامل کرنے یا ان سے اجازت لینے کی زحمت بھی نہیں کی گئی۔

 

یومِ آزادی پر چوری شدہ نمغے کا استعمال

چوری شدہ ملی نغمے کی ویڈیو میں دیکھا جا سکتا ہے کہ دو لڑکے گلوکار زیب کی گیت پر لِپسنگ کر رہے ہیں۔ جبکہ اس میں قائد اعظم محمد علی جناح کی تقریر، ورلڈ کپ 1992 اور قیام پاکستان کے مناظر فلمائے گئے ہیں۔ حیرت انگیز طور پر سرکاری ٹی وی نے ملی نغمے کو نشر کرنے سے پہلے کاپی رائٹس کے معاملات سمیت دیگر امور کی چھان بین بھی نہیں کی کہ مذکورہ گیت کس گروپ نے تیار کیا ہے۔

’’واضح رہے‘‘ نے گلوکار زیب سے رابطہ کرکے مزید تفصیلات حاصل کرنے کی کوشش کی تو ان کا کہنا تھا کہ وہ فی الحال کچھ نہیں کہنا چاہتے۔ وہ دھوکہ باز عناصر کیخلاف قانونی کارروائی کریں گے۔