کراچی: آئل اینڈ گیس ریگولیٹری اتھارٹی (اوگرا) نے اقتصادی رابطہ کمیٹی کی منظوری کے بعد آر ایل این جی پر نئے سی این جی اسٹیشنز کے قیام کےلئے لائسنس جاری کرنے کا اعلان کردیا ہے۔

تفصیلات کے مطابق کابینہ کی اقتصادی رابطہ کمیٹی نے آر ایل این جی پر نئے سی این جی اسٹیشنز کے قیام کی منظوری دی تھی جس پر اوگرا نے فوری طور پر عملدر آمد کا اعلان کیا ہے۔

ملک میں سوئی نادرن اور سوئی سدرن کمپنی کی جانب سے پہلے ہی سی این جی اسٹیشنز کو آر ایل این جی پر منتقل ہونے کے نوٹس جاری کئے جا چکے ہیں۔

اوگرا نے آر ایل این جی پر نئے سی این جی اسٹیشنز کے قیام کے حوالے سے ایسے حضرات جنہیں اب تک کوئی لائسنس نہیں ملا ہے، فوری طور پر درخواستیں جمع کرانے کی ہدایت جاری کردی ہے ۔