تازہ ترین
شپنگ لائنز، ٹرمینل آپریٹرز کی جانب سے اضافی چارجز و جرمانوں پر کراچی چیمبر کا اظہار تشویشراشن تقسیم کے نام پر غریب کی عزت نفس مجروح کی جاتی ہے۔ حبیب جعفریانڈونیشیا نے کورونا وائرس کے باعث رواں برس “حج “منسوخ کر دیالوٹو پاکستان کوشہروز سبزواری اور صدف کنول کی شادی: ’تہمت لگائی ہے تو اب سامنے آ کر ثابت بھی کریں‘“مے ڈے، مے ڈے، ۔ ۔ ۔ “کرونا وائرس: لاک ڈاؤن کے بعد ملکہ برطانیہ پہلی بار منظرِ عام پرمادہ اور روحعمران خان کو خواتین سے بڑی محبت اور لگاؤ ہے۔ جسٹس وجیہیہ خوشیاں تم بن ادھوری* قلمکار: *عاشق علی بخاری*مسجد نبویﷺ کو عام شہریوں کیلئے کھول دیا گیا، احتیاطی تدابیر کے ساتھ نماز فجر اداچین انڈیا سرحد کشیدگی: چین نے امریکی صدر ڈونلڈ ٹرمپ کی ثالثی کی پیشکش کو ٹھکرا دیامسلمانوں کے عظیم خلیفہ حضرت عمر بن عبد العزیز رحمہ اللہ علیہ اور انکی اھلیہ کی قبروں کی بے حرمتی کی جتنی بھی مذمت کی جائے کم ھے۔امریکہ میں سیاہ فام کے قتل پر پُرتشدد مظاہرے شدت اختیار کرگئےٹڈی دل کی آفت اور حکمرانوں کی نااہلیفوربز میگزین: کائیلی جینر کا نام ’سیلف میڈ‘ ارب پتی افراد کی فہرست سے نکال دیا گیاجج اور عمرہ حکم ثانی تک معطلحکومت طلباء کے مستقبل سے نہ کھیلے ،فوری سکول کھولے جائیں:پرائیویٹ سکولز ایسوسی ایشنکوٹ مومن میں یوم تکبیر کے سلسلہ میں تقریباداسی اور طیش،رؤف کلاسرا،،،

      مشرق وسطیٰ میں میٹھی عید پھیکی پڑنے کا خدشہ

  • واضح رہے
  • مئی 18, 2020
  • 2:53 صبح

سعودی عرب کے نقش قدم پر چلتے ہوئے کویت، مصر، عراق، اردن، لبنان اور الجزائر کی حکومتیں عید الفطر پر مکمل کرفیو نافذ کرنے جا رہی ہیں

سعودی حکومت کی جانب سے عید الفطر پر سخت لاک ڈاؤن اور نمازِ عید گھر پر ادا کرنے کے شاہی فرمان پر مملکت کے عوام میں مایوسی پائی جارہی ہے۔ برطانوی جریدے "دی عرب ویکلی" کے مطابق سعودی حکومت کے اس اعلان کے بعد خلیجی ممالک کی حکومتوں نے بھی کورونا پھیلاؤ کے پیش نظر احتیاطی اقدامات اٹھاتے ہوئے عید کے دن مکمل کرفیو لگانے کا فیصلہ کیا ہے۔

عید منانے پر پابندی کے حوالے سے تازہ بیان مصر کی السیسی حکومت کی طرف سے سامنے آیا ہے، جس نے کہا ہے کہ 24 مئی سے لاک ڈاؤن کے اوقات تبدیل کردیئے جائیں گے اور یہ کہ سڑکوں پر پبلک ٹرانسپورٹ بھی نہیں چلے گی۔ مصری وزیر اعظم محمد مدبلے کا کہنا ہے کہ عید الفطر کی نماز کے اجتماعات روکنے کیلئے کرفیو صبح 9 بجے کے بجائے علی الصبح 5 بجے سے نافذ ہوگا۔ ان اقدامات کی مدد سے ہم کورونا وائرس کو مزید پھیلنے سے روک سکتے ہیں۔

ادھر کویت نے بھی عید کے دنوں میں میل میلاپ پر پابندی عائد کردی ہے۔ جبکہ بچوں کو عیدی بھجوانے کیلئے آن لائن نظام متعارف کرایا گیا یے۔ کویت کے مرکزی بینک نے کہا ہے کہ بینک نے بچوں کو تحفے تحائف یا عیدی دینے کیلئے الیکٹرونک سروس شروع کردی ہے، تاکہ سماجی فاصلہ برقرار رہے اور وبائی صورتحال میں لوگ ایک دوسرے سے کرنسی نوٹ نہ لیں۔ اس سلسلے میں کویت کے تمام اے ٹی ایمز پر "3edeti" سسٹم لگا دیا گیا ہے۔

عراق سے بھی عید کی نماز کو گھروں تک محدود کئے جانے کی اطلاعات ہیں۔ عراقی حکام کا کہنا ہے عیدالفطر کے پہلے روز صبح 5 بجے سے شام 5 بجے تک کا طویل اور سخت لاک ڈاؤن ہوگا۔

اسی طرح الجزائر میں بھی عید الفطر پر میل میلاپ اور مصافحہ پر پابندی کا اعلان سامنے آیا ہے۔ الجزائر کی وزارت مذہبی امور نے ایک بیان میں کہا ہے کہ عید الفطر کے دن ہر قسم کے میل ملاپ اور ہاتھ ملانے یا گلے ملنے سے گریز کریں اور مبارکباد کےلیے سوشل میڈیا کا استعمال کریں۔ الجزائر کی وزارت صحت نے تجویز دی ہے کہ وائرس کے پیش نظر عید فطر کے دن کرفیو نافذ کیا جائے۔

دریں اثنا سعودی عرب نے کورونا وائرس کے پھیلاؤ کے خدشے کے پیش نظر گزشتہ ہفتے عیدالفطر پر مکمل کرفیو کا اعلان کیا تھا۔ سعودی وزارت داخلہ کی جانب سے جاری حکم نامے میں کہا گیا کہ کورونا وائرس کو پھیلنے سے روکنے اور اس سے بچنے کے لیے مقرر تمام حفاظتی اقدامات میں رمضان کے آخر تک لاک ڈاؤن میں توسیع کر دی گئی ہے۔

حکم نامے کے مطابق کرفیو میں جاری نرمی 29 رمضان 22 مئی تک برقرار رہے گی جبکہ 30 رمضان سے 4 شوال تک سعودی عرب کے تمام علاقوں اور صوبوں میں مکمل کرفیو کا اعلان کیا گیا۔

واضح رہے

اردو زبان کی قابل اعتماد ویب سائٹ ’’واضح رہے‘‘ سنسنی پھیلانے کے بجائے پکّی خبر دینے کے فلسفے پر قائم کی گئی ہے۔ ویب سائٹ پر قومی اور بین الاقوامی حالات حاضرہ عوامی دلچسپی کے پہلو کو مدنظر رکھتے ہوئے پیش کئے جاتے ہیں۔

واضح رہے