تازہ ترین
لاہور: مشہور ترک ڈرامے ’’ارطغرل غازی‘‘ کے مرکزی کردار انجین التان دوزیتان نے پاکستان میں قیام کے دوران بادشاہی مسجد لاہور کا دورہ کیا اور شاعرِ مشرق علامہ محمد اقبال کے مزار پر حاضری بھی دی۔
لاہور میں مختصر دورے کے دوران ترک ڈراما سیریز کے مرکزی کردار انجین التان دوزیتان نے بادشاہی مسجد لاہور کا دورہ کیا۔ بادشاہی مسجد کے دورے کے دوران ترک اداکار نے بادشاہی مسجد کے خطیب مولانا عبدالخبیر آزاد سے بھی ملاقات کی۔
پاکستان میں انتہائی مقبول ہونے والے ترک اداکار نے لاہور کے تاریخی مقامات دیکھنے پر خوشی کا اظہار بھی کیا۔ بعد ازاں انجین التان دوزیتان نے شاعرِ مشرق علامہ محمد اقبال کے مزار پر حاضری دی اور فاتحہ خوانی بھی کی۔
علاوہ ازیں ترک اداکار انجین التان دوزیتان نے اپنے آفیشل انسٹاگرام اکاؤنٹ پر جاری اسٹوریز میں پاکستانیوں کا شکریہ بھی ادا کیا۔ انہوں نے ایک اسٹوری میں پھولوں کے گلدستے کی تصویر شیئر کرتے ہوئے پرجوش استقبال پر پاکستانیوں کا شکریہ ادا کیا۔
🔥🚀 !Wazehrahe.pk Is Available FOR SALE 🚀🔥
We are offering Wazehrahe.pk for purchase, a well-established platform with strong Google traffic, a Facebook page with 17,000+ followers, and an active YouTube channel with published videos
.If you are interested in acquiring this website and its assets, please send your offer to info@wazehrahe.pk along with your mobile number
.We will contact you if your offer is suitable