لاک ڈاؤن سے تنگ صاحبہ افضل نے سیلون کھولنے کا اعلان کردیا

واضح رہے
مئی 14, 2020
8:21 شام

اداکارہ کے فیصلے کے خلاف سوشل میڈیا پر صارفین کی جانب سے سخت ردعمل کا اظہار کیا گیا ہے۔ اداکارہ کہتی ہیں کہ احتیاطی تدابیر اختیار کریں گی

ادکارہ صاحبہ افضل نے لاک ڈاؤن توڑتے ہوئے اپنا سیلون کھولنے کا اعلان کر دیا ہے۔ انہوں نے اپنے سیلون کے اسٹاف کے ساتھ بنائی گئی تصویر شیئر کرتے ہوئے کہا کہ ان کا سیلون پیر سے جمعرات تک صبح 11 سے شام 5 بجے تک کھلا رہے گا۔

انہوں نے کہا کہ اس کے دوران تمام حفاظتی اقدامات کو مدنظر رکھتے ہوئے ان پر عمل کیا جائے گا۔ واضح رہے کہ صاحبہ کا سیلون لاہور کے پوش علاقے ایم ایم عالم روڈ، گلبرگ میں واقع ہے۔
تاہم ان کے اس اعلان پر صارفین کی جانب سے کافی سخت ردعمل کا اظہار کیا گیا ہے۔ انہوں نے کہا کہ بیوٹیشنز ماسک پہن کر تھریڈینگ کیسے کریں گی اور دو فٹ کا فاصلہ بھی کیسے ممکن ہے۔
واضح رہے کہ حکومت کی جانب سے نائی کی دکان اور ہیئر سیلونز کھولنے پر پابندی ہے اور ان دنوں حجام گھروں پر جاکر کام کر رہے ہیں۔

واضح رہے

اردو زبان کی قابل اعتماد ویب سائٹ ’’واضح رہے‘‘ سنسنی پھیلانے کے بجائے پکّی خبر دینے کے فلسفے پر قائم کی گئی ہے۔ ویب سائٹ پر قومی اور بین الاقوامی حالات حاضرہ عوامی دلچسپی کے پہلو کو مدنظر رکھتے ہوئے پیش کئے جاتے ہیں۔