مشی گن: امریکہ میں صدارت کے مضبوط امیدوار جو بائیڈن گالم گلوچ پر اتر آگئے۔ مشی گن میں انتخابی ریلی سے خطاب کرتے ہوئے جو بائیڈن کا کہنا تھا کہ ٹرمپ عوام کو بڑی تعداد میں ووٹ ڈالنے سے نہیں روک سکتے، عوام جمہوریت واپس لے کر رہیں گے، ٹرمپ کو بوریا بستر گول کر کے گھر جانا ہو گا۔

امریکی اسٹیبلشمنٹ کے منظور نظر ڈیموکریٹک امیدوارجو بائیڈن کا کہنا تھا کہ کورونا اسی وقت جائے گا جب ٹرمپ گھر جائیں گے۔ ان کا کہنا تھا کہ امریکا کے صدر ٹرمپ اقوام متحدہ اور نیٹو بھی مذاق اڑاتے ہیں۔

اوباما دور میں امریکہ کے نائب صدر رہنے والے جو بائیڈن نے صدر ٹرمپ کو شدید تنقید کا نشانہ بناتے ہوئے کہا کہ ڈونالڈ ٹرمپ کو چاہیئے تھا کہ وہ روس کے صدر کو چیلنج کرتے، لیکن ٹرمپ روسی صدر پیوٹن کا کتا بنے ہوئے ہیں۔