تازہ ترین
اوورسیز پاکستانیوں کی قانونی معاونت کیلئے ادارہ بنانے کا فیصلہاظہر علی ٹیسٹ اور بابر ٹی ٹوئنٹی کپتان مقرر۔ سرفراز فارغمولانا فضل الرحمان کا دھرنے کا اعلان۔ کنٹینرز بھی بنوالئےالیکشن کمیشن ارکان کے مستقبل کا فیصلہ ہونے کے قریبزلزلے سے اموات کی تعداد 38 ہوگئی۔ سینکڑوں افراد بے یارو مددگاربائیو میٹرک تصدیق کے باوجود بینک اکاؤنٹس آپریشنل نہ ہونیکی شکایاتملکی تاریخ میں پہلی بار مرغی 400 روپے کی ہوگئیگستاخ ٹیچر نوتن لعل کو قرار واقعی سزا دینے کا مطالبہنارتھ کراچی صنعتی ایریا میں ڈاکوؤں کا راجپنجاب حکومت نے ایڈز کنٹرول پروگرام کے فنڈز روک لئےافغانستان میں این ڈی ایس کمپاؤنڈ کے قریب دھماکہ۔ 30 ہلاکافغان طالبان کے حملے تیز۔ غنی حکومت کیلئے الیکشن درد سر بن گیاپولیسٹر فلامنٹ یارن پر دوبارہ ریگولیٹری ڈیوٹی عائد کئے جانے کا امکانسیاسی قیدیوں کو ڈیل پر مجبور کرنے کیلئے بلیک میلنگ شروعوفاق میں ساری ٹیم مشرف کی ہے۔ رضا ربانیپی ٹی آئی حکومت کے خاتمے کیلئے نواز شریف کا بڑا فیصلہسنسرشپ کا سامنا کرنے والے ممالک میں پاکستان کا 39واں نمبردورہ پاکستان کیلئے سری لنکا کی بے بی ٹیم کا اعلانبھارت کشمیر سے کرفیو کیوں نہیں اٹھا رہا؟ پاکستانی حکومت غافلجنوبی افریقہ: ہر 3 گھنٹے میں ایک عورت قتل کردی جاتی ہے

بھینس کا قومی دن 2 مارچ کو منانے کا اعلان

بھینس
  • واضح رہے
  • مئی 9, 2019
  • 11:55 شام

ایگری ٹورازم ڈویلپمنٹ کارپوریشن کی جانب سے یہ منفرد آئیڈیا پاکستانی ڈیری انڈسٹری کے فروغ کیلئے پیش کیا گیا ہے۔

بھینس کا قومی دن (نیشنل بفیلو ڈے) 2 مارچ 2020 کو منانے کا اعلان کیا گیا ہے۔ ایگری ٹورازم ڈویلپمنٹ کارپوریشن پاکستان کے چیف ایگزیکٹو آفیسر طارق تنویر کے اس فیصلے کو ڈیری سیکٹر سے منسلک افراد کی جانب سے بھرپور پذیرائی مل رہی ہے۔ واضح رہے کہ پاکستان میں بھینس کی بہترین بریڈ پائی جاتی ہے اور سب سے زیادہ دودھ دینے والے جانوروں میں نیلی راوی نسل کی بھینس نمایاں ہے، جو یومیہ 10 سے 12 کلو دودھ دیتی ہے۔

ڈیری اینڈ کیٹل فارمرز ایسوسی ایشن پاکستان (DCFA) نے نیشنل بفیلو ڈے منانے کے اعلان کا خیر مقدم کرتے ہوئے کہا ہے کہ وہ بفیلو بریڈرز ایسوسی ایشن پنجاب پاکستان اور فارمرز کی دیگر تنظیموں کے ہمراہ یہ دن انتہائی جوش و خروش سے منائے گی۔

ڈیری اینڈ کیٹل فارمرز ایسوسی ایشن نے ایگری ٹورازم ڈویلپمنٹ کارپوریشن پاکستان کے چیف ایگزیکٹو آفیسر طارق تنویر کو نیشنل بفیلو ڈے کے منفرد آئیڈیے پر خراج تحسین بھی پیش کیا۔ اور کہا کہ پاکستان پولٹری ڈیری اینڈ لائیو اسٹاک ایکسپو کے موقع پر طارق تنویر کو ڈیری اینڈ کیٹل فارمرز ایسوسی ایشن پاکستان کی جانب سے خصوصی ایوارڈ سے نوازا جائے گا۔

بیان میں کہا گیا ہے کہ نیشنل فوڈ سیکورٹی اینڈ ریسرچ، لائیو اسٹاک کے محکموں، ویٹرنری یونیورسٹی اور دیگر تعلیمی اداروں کے ساتھ ساتھ دیگر متعلقہ اداروں کو مل کر اس دن کو منانے کیلئے آگے بڑھنا چاہئے اور 2 مارچ کو نیشنل بفیلو ڈے کیلئے مختص کرتے ہوئے اسے قومی سطح پر سرکاری طور پر منظور کروانا چاہئے۔

اس دن کی اہمیت کو اجاگر کرنے اور عالمی سطح پر متعارف کروانے کیلئے بھی اقدامات اٹھانے چاہئیں اور اس سلسلے میں انٹرنیشنل بفیلو فیڈریشن اور دیگر متعلقہ عالمی تنظیموں کو بھی اعتماد میں لینا چاہئے۔