تازہ ترین
اوورسیز پاکستانیوں کی قانونی معاونت کیلئے ادارہ بنانے کا فیصلہاظہر علی ٹیسٹ اور بابر ٹی ٹوئنٹی کپتان مقرر۔ سرفراز فارغمولانا فضل الرحمان کا دھرنے کا اعلان۔ کنٹینرز بھی بنوالئےالیکشن کمیشن ارکان کے مستقبل کا فیصلہ ہونے کے قریبزلزلے سے اموات کی تعداد 38 ہوگئی۔ سینکڑوں افراد بے یارو مددگاربائیو میٹرک تصدیق کے باوجود بینک اکاؤنٹس آپریشنل نہ ہونیکی شکایاتملکی تاریخ میں پہلی بار مرغی 400 روپے کی ہوگئیگستاخ ٹیچر نوتن لعل کو قرار واقعی سزا دینے کا مطالبہنارتھ کراچی صنعتی ایریا میں ڈاکوؤں کا راجپنجاب حکومت نے ایڈز کنٹرول پروگرام کے فنڈز روک لئےافغانستان میں این ڈی ایس کمپاؤنڈ کے قریب دھماکہ۔ 30 ہلاکافغان طالبان کے حملے تیز۔ غنی حکومت کیلئے الیکشن درد سر بن گیاپولیسٹر فلامنٹ یارن پر دوبارہ ریگولیٹری ڈیوٹی عائد کئے جانے کا امکانسیاسی قیدیوں کو ڈیل پر مجبور کرنے کیلئے بلیک میلنگ شروعوفاق میں ساری ٹیم مشرف کی ہے۔ رضا ربانیپی ٹی آئی حکومت کے خاتمے کیلئے نواز شریف کا بڑا فیصلہسنسرشپ کا سامنا کرنے والے ممالک میں پاکستان کا 39واں نمبردورہ پاکستان کیلئے سری لنکا کی بے بی ٹیم کا اعلانبھارت کشمیر سے کرفیو کیوں نہیں اٹھا رہا؟ پاکستانی حکومت غافلجنوبی افریقہ: ہر 3 گھنٹے میں ایک عورت قتل کردی جاتی ہے

اظہر علی ٹیسٹ اور بابر ٹی ٹوئنٹی کپتان مقرر۔ سرفراز فارغ

sarfraz ahmed
  • واضح رہے
  • اکتوبر 18, 2019
  • 2:45 شام

دونوں فارمیٹس کی کپتانی سے ہٹائے جانے کے بعد سرفراز احمد کو ٹیم میں جگہ پانے کے لالے پڑگئے ہیں۔ جبکہ ان سے ون ڈے قیادت واپس لینے کا بھی فیصلہ ہوچکا ہے

پاکستان کرکٹ بورڈ نے وکٹ کیپر بیٹسمین سرفراز احمد سے ٹیسٹ اور ٹی ٹوئنٹی کی کپتانی واپس لیتے ہوئے اظہر علی کو ٹیسٹ، جبکہ بابر اعظم کو ٹی ٹوئنٹی کا کپتان مقرر کردیا ہے۔

سرفراز احمد اب دورئہ آسٹریلیا کے موقع پر ٹیسٹ اور ٹی ٹوئنٹی سیریز میں کپتانی فرائض انجام نہیں دیں گے۔ جبکہ ذرائع کا یہ بھی کہنا ہے کہ شاید وہ ٹیم کے ساتھ آسٹریلیا ہی نہ جائیں، کیونکہ تمام فارمیٹس میں ان کی انفرادی کارکردگی بھی انتہائی خراب رہی ہے۔ جس کے باعث انہیں ٹیم میں شمولیت کے لالے پڑگئے ہیں۔

نیشنل کرکٹ اکیڈمی لاہور سے ذرائع کا دعویٰ ہے کہ سرفراز احمد کو ون ڈے ٹیم کی قیادت سے فارغ کرنے کا فیصلہ ہوگیا ہے۔ اس امر کا اعلان فی الحال اس لئے نہیں کیا گیا کیونکہ قومی ٹیم نے دورئہ آسٹریلیا میں ون ڈے سیریز نہیں کھیلنی۔ پاکستان کا دورئہ آسٹریلیا دو ٹیسٹ اور تین ٹی ٹوئنٹی میچوں پر مشتمل ہوگا۔

پی سی بی اعلامیے کے مطابق اظہر علی آسٹریلیا کے خلاف 2 ٹیسٹ میچز میں قومی ٹیسٹ ٹیم کی قیادت کریں گے جبکہ اسی دورے میں کھیلے جانے والے 3 ٹی ٹوئنٹی میچز میں بابر اعظم قومی ٹیم کی کمان سنبھالیں گے۔

پی سی بی کے اعلامیے میں یہ بھی بتایا گیا کہ سیزن 20-2019 میں کھیلے جانے والے ٹیسٹ میچز میں اظہر علی ہی پاکستانی ٹیم کی نمائندگی کریں گے۔ جبکہ آئندہ برس 2020ء میں آئی سی سی ٹی ٹوئنٹی ورلڈ کپ میں بابر اعظم قومی ٹی ٹوئنٹی ٹیم کے کپتان ہوں گے۔

بیان کے مطابق گزشتہ کچھ سیزیر میں مجموعی طور پر سرفراز احمد کی ناقص کارکردگی کی بنیاد پر انہیں کپتانی سے ہٹایا گیا۔ کپتانی سے ہٹائے جانے والے سرفراز احمد نے اعلامیے کے فوری بعد نئے کپتانوں اظہر علی اور بابر اعظم کیلئے نیک تمناؤں کا اظہار کیا ہے، جس سے اندازہ کیا جاسکتا ہے کہ بورڈ یا چیف سلیکٹر کم ہیڈ کوچ مصباح الحق نے سرفراز کو اپنے فیصلے سے پہلے ہی آگاہ کردیا تھا۔

واضح رہے کہ پاکستان کرکٹ ٹیم 21 نومبر سے 3 دسمبر تک آسٹریلیا کے خلاف 2 ٹیسٹ میچز کھیلے گی، پہلا ٹیسٹ برسبن جبکہ دوسرا ایڈلیڈ میں کھیلا جائے گا۔ اسہ طرح آسٹریلیا کے خلاف 3 ٹی ٹوئنٹی میچز کی سیریز 3 سے 8 نومبر تک کھیلی جائے گی۔