تازہ ترین
عمران خان کو خواتین سے بڑی محبت اور لگاؤ ہے۔ جسٹس وجیہیہ خوشیاں تم بن ادھوری* قلمکار: *عاشق علی بخاری*مسجد نبویﷺ کو عام شہریوں کیلئے کھول دیا گیا، احتیاطی تدابیر کے ساتھ نماز فجر اداچین انڈیا سرحد کشیدگی: چین نے امریکی صدر ڈونلڈ ٹرمپ کی ثالثی کی پیشکش کو ٹھکرا دیامسلمانوں کے عظیم خلیفہ حضرت عمر بن عبد العزیز رحمہ اللہ علیہ اور انکی اھلیہ کی قبروں کی بے حرمتی کی جتنی بھی مذمت کی جائے کم ھے۔امریکہ میں سیاہ فام کے قتل پر پُرتشدد مظاہرے شدت اختیار کرگئےٹڈی دل کی آفت اور حکمرانوں کی نااہلیفوربز میگزین: کائیلی جینر کا نام ’سیلف میڈ‘ ارب پتی افراد کی فہرست سے نکال دیا گیاجج اور عمرہ حکم ثانی تک معطلحکومت طلباء کے مستقبل سے نہ کھیلے ،فوری سکول کھولے جائیں:پرائیویٹ سکولز ایسوسی ایشنکوٹ مومن میں یوم تکبیر کے سلسلہ میں تقریباداسی اور طیش،رؤف کلاسرا،،،اختلاف کرنے پر مہماتیر محمد کو پارٹی نے نکال دیابینظیر بھٹو کے بارے میں’توہین آمیز‘ ٹویٹس: سنتھیا رچی کے خلاف ایف آئی اے میں درخواست جمع کروا دی گئیامیر جماعت اسلامی سراج الحق کی کوٹ مومن آمدشدید گرمی۔ ارسلان ویلفیئر ٹرسٹ نے سندھ کے گوٹھوں میں ہینڈ پمپ لگانے کا بیڑا اٹھالیاکوٹ مومن پریس کلب کے نمائندہ وفد کی ایس ایچ او سے ملاقاتناجائز تعلقات کا شبہ،گھر بلواکر نوجوان قتلپاکستان اور اسرائیل کی دشمنی تاریخی آئنیہ میںعظمیٰ خان اور وکیل کی پریس کانفرنس:’عظمی خان کی جان کو خطرات لاحق ہیں، سکیورٹی فراہم کی جائے‘

آفریدی نے نیا پنڈورا بکس کھول دیا۔ وقار خوفناک کوچ قرار

آفریدی نے نیا پنڈورا بکس کھول دیا۔ وقار خوفناک کوچ قرار
  • واضح رہے
  • مئی 2, 2019
  • 2:11 شام

پاکستان کرکٹ ٹیم کے سابق کپتان شاہد آفریدی نے اپنی کتاب میں پی سی بی اور عظیم بیٹسمین جاوید میانداد پر بھی الزامات عائد کئے ہیں۔

سابق کپتان شاہد آفریدی نے اپنی کتاب ’’گیم چینجر‘‘ میں لکھا ہے کہ وقار یونس اوسط درجے کے کپتان اور خوفناک کوچ تھے۔ وقار یونس کوچ بنے تو ہر کام میں مداخلت کی، اسی لئے ان سے اختلافات رہے۔ واضح رہے کہ 2011 ورلڈ کپ اور 2016 ورلڈ ٹی ٹوئنٹی میں شاہد آفریدی قومی ٹیم کے کپتان تھے، جبکہ ہیڈ کوچ کی ذمہ داریاں وقار یونس انجام دے رہے تھے۔ اس دوران بھی دونوں کے درمیان اختلافات کی خبریں سامنے آئی تھیں۔

شاہد آفریدی نے اپنی کتاب میں انکشاف کیا ہے کہ اسپاٹ فکسنگ سے متعلق مہینوں پہلے ہی پاکستان کرکٹ بورڈ کو آگاہ کر دیا تھا، مگر پی سی بی نے کوئی ایکشن نہیں لیا۔

شاہد آفریدی نے سوانح حیات میں آنجہانی باب وولمر کی تعریف کی ہے۔ شاہد آفریدی نے غیر ملکی ہیڈ کوچ کے حوالے سے لکھا ہے کہ باب وولمر نے نیچرل گیم کھیلنے کیلئے ہمیشہ میری حوصلہ افزائی کی۔

یہ بھی پڑھیں: ’’کشمیر صرف کشمیریوں کا ہے‘‘

شاہد آفریدی کی سوانح حیات ’’گیم چینجر‘‘ کی تقریب رونما 4 مئی کو کراچی میں ہوگی۔ اب تک اس کے جو اقتباس سامنے آئے ہیں ان کے مطابق شاہد آفریدی کی بطور کپتان کوچز سے نہیں بنتی تھی۔ اس کے علاوہ شاہد آفریدی نے لکھا ہے کہ سابق کپتان وسیم اکرم اور وقار یونس میں بھی چپقلش رہی۔ جبکہ وقار یونس اوسط درجے کے کپتان تھے۔

شاہد آفریدی کا اپنی آپ بیتی میں کہنا ہے کہ سابق ہیڈ کوچ جاوید میانداد انہیں بالکل پسند نہیں کرتے تھے۔ ڈیبیو ٹیسٹ سے پہلے انہیں دانستہ طور پر بیٹنگ پریکٹس بھی نہیں کرائی گئی تھی۔

ادھر سابق کپتان جاوید میانداد کی جانب سے آفریدی کی کتاب پر سخت رد عمل سامنے آیا ہے۔ جاوید میانداد نے نجی ٹی وی سے گفتگو میں کہا ہے کہ شاہد آفریدی سستی شہرت چاہتے ہیں۔ انہوں نے کہا کہ شاہد آفریدی نے ان کی کوچنگ میں ٹیسٹ میچ میں سنچری بنائی۔ اس دور میں آفریدی کی کارکردگی کو بھی دیکھا جائے۔

ماہرین کا کہنا ہے کہ ’’گیم چینجر‘‘ میں شاہد آفریدی کے انکشافات کے باعث ورلڈ کپ میں شریک قومی ٹیم کیلئے بھی مشکلات ہوسکتی ہیں، کیونکہ اسکواڈ میں سابق کپتان شعیب ملک شامل ہیں۔ ماضی میں شاہد آفریدی کے شعیب ملک کے ساتھ تعلقات زیادہ اچھے نہیں رہے اور اگر انہوں نے شعیب ملک سے متعلق متنازع بات کردی تو نیا مسئلہ کھڑا ہوجائے گا۔

واضح رہے

اردو زبان کی قابل اعتماد ویب سائٹ ’’واضح رہے‘‘ سنسنی پھیلانے کے بجائے پکّی خبر دینے کے فلسفے پر قائم کی گئی ہے۔ ویب سائٹ پر قومی اور بین الاقوامی حالات حاضرہ عوامی دلچسپی کے پہلو کو مدنظر رکھتے ہوئے پیش کئے جاتے ہیں۔

واضح رہے