تازہ ترین
نئی حکومت کو درپیش بڑے چیلنجزکشمیراورفلسطین میں قتل عام جاریبھارتی دہشت گردی نے کشمیر کوموت کی وادی بنا دیاووٹ کا درست استعمال ہی قوم کی تقدیر بد لے گادہشت گرد متحرکنئے سال کا سورج طلوع ہوگیااسٹیبلشمنٹ کے سیاسی اسٹیج پر جمہوری کٹھ پتلی تماشاحکومت آئی ایل او کنونشن سی 176 کوتسلیم کرےجمہوریت کے اسٹیج پر” کٹھ پتلی تماشہ“ جاریدہشت گردی کا عالمی چمپئنالیکشن اور جمہوریت کے نام پر تماشا شروعافریقہ، ایشیا میں صحت بخش خوراک عوامی دسترس سے باہردُکھی انسانیت کا مسیحا : چوہدری بلال اکبر خانوحشی اسرائیل نے غزہ کو فلسطینی باشندوں کے قبرستان میں تبدیل کر دیا”اسٹیبلشمنٹ “ کے سیاسی اسٹیج پر ” نواز شریف “ کی واپسیراکھ سے خوشیاں پھوٹیںفلسطین لہو لہو ۔ ”انسانی حقوق“ کے چمپئن کہاں ہیں؟کول مائنز میں انسپکشن کا نظام بہتر بنا کر ہی حادثات میں کمی لائی جا سکتی ہےخوراک سے اسلحہ تک کی اسمگلنگ قومی خزانے کو چاٹ رہی ہےپاک فوج پاکستان میں زرعی انقلاب لانے کیلئے تیار

علیم ڈار مسلسل پانچویں بار ورلڈ کپ میچز سپروائز کرینگے        

علیم ڈار مسلسل پانچویں بار ورلڈ کپ میچز سپروائز کرینگے
  • واضح رہے
  • اپریل 26, 2019
  • 4:27 شام

انٹرنیشنل کرکٹ کونسل (آئی سی سی) نے میگا ایونٹ کیلئے ایمپائرز کے 16 رکنی پینل کا اعلان کر دیا ہے۔ جبکہ میچ ریفریز اس کے علاوہ ہیں۔

پاکستان کے علیم ڈار ورلڈ کپ 2019 کیلئے منتخب کئے جانے والے 16 ایمپائرز میں شامل ہیں۔ 50 سالہ علیم ڈار مسلسل پانچویں بار ورلڈ کپ ایمپائرز پینل کا حصہ بنے ہیں۔ یوں وہ یہ اعزاز پانے والے دنیا کے دوسرے ایمپائر ہیں۔ ان سے قبل سری لنکا کے رنجن مدوگلے بھی 5 ورلڈ کپ میں میچز سپروائز کر چکے ہیں۔ جبکہ رنجن مدوگلے کا یہ چھٹا ورلڈ کپ ہوگا۔

دوسری جانب انگلینڈ کے ایان گولڈ کا یہ آخری ورلڈ کپ ہوگا۔ انہوں نے چند روز پہلے ایک بیان میں عندیہ دیا تھا کہ شاید ورلڈ کپ کے بعد وہ ایمپائرنگ سے ریٹائرمنٹ لے لیں گے۔

آئی سی سی کے مطابق ایونٹ کے 48 میچز کیلئے دنیا کے 16 بہترین ایمپائرز اور 6 میچ ریفریز پر مشتمل 22 رکنی آفیشل پینل کا انتخاب کیا گیا ہے، جو 30 مئی سے 14 جولائی تک جاری رہنے والے میگا ایونٹ میں فرائض ادا کریں گے۔

سری لنکا کے کمار دھرماسینا، علیم ڈار، کرس جیفینی، ایان گولڈ، میرائس ایرسمس، رچرڈ النگ ورتھ، رچرڈ کیٹلبورو، نائیگل لونگ، بروس آکسنفورڈ، سُندرم روی، پال ریفائیل، راڈ ٹکر، جوئیل ولسن، مائیکل گوف، روچیرا پلیاگوروگے اور پال ولسن امپائرز کی فہرست میں شامل ہیں۔ جبکہ ایونٹ کے دوران کرس براڈ، ڈیوڈ بون، اینڈی پیکروفٹ، جیف کرو، رنجن مدوگلے اور رکی رچرڈسن میچ ریفری کے فرائض انجام دیں گے۔

آئی سی سی کے مطابق منتخب کردہ ایمپائرز پہلے مرحلے میں لیگ میچز میں فرائض انجام دیں گے، جبکہ سیمی فائنل اور فائنل کیلئے ناموں کا اعلان بعد میں ہوگا۔

 

واضح رہے

اردو زبان کی قابل اعتماد ویب سائٹ ’’واضح رہے‘‘ سنسنی پھیلانے کے بجائے پکّی خبر دینے کے فلسفے پر قائم کی گئی ہے۔ ویب سائٹ پر قومی اور بین الاقوامی حالات حاضرہ عوامی دلچسپی کے پہلو کو مدنظر رکھتے ہوئے پیش کئے جاتے ہیں۔

واضح رہے