تازہ ترین
نئی حکومت کو درپیش بڑے چیلنجزکشمیراورفلسطین میں قتل عام جاریبھارتی دہشت گردی نے کشمیر کوموت کی وادی بنا دیاووٹ کا درست استعمال ہی قوم کی تقدیر بد لے گادہشت گرد متحرکنئے سال کا سورج طلوع ہوگیااسٹیبلشمنٹ کے سیاسی اسٹیج پر جمہوری کٹھ پتلی تماشاحکومت آئی ایل او کنونشن سی 176 کوتسلیم کرےجمہوریت کے اسٹیج پر” کٹھ پتلی تماشہ“ جاریدہشت گردی کا عالمی چمپئنالیکشن اور جمہوریت کے نام پر تماشا شروعافریقہ، ایشیا میں صحت بخش خوراک عوامی دسترس سے باہردُکھی انسانیت کا مسیحا : چوہدری بلال اکبر خانوحشی اسرائیل نے غزہ کو فلسطینی باشندوں کے قبرستان میں تبدیل کر دیا”اسٹیبلشمنٹ “ کے سیاسی اسٹیج پر ” نواز شریف “ کی واپسیراکھ سے خوشیاں پھوٹیںفلسطین لہو لہو ۔ ”انسانی حقوق“ کے چمپئن کہاں ہیں؟کول مائنز میں انسپکشن کا نظام بہتر بنا کر ہی حادثات میں کمی لائی جا سکتی ہےخوراک سے اسلحہ تک کی اسمگلنگ قومی خزانے کو چاٹ رہی ہےپاک فوج پاکستان میں زرعی انقلاب لانے کیلئے تیار

وفاق میں ساری ٹیم مشرف کی ہے۔ رضا ربانی

وفاق میں ساری ٹیم مشرف کی ہے۔ رضا ربانی
  • واضح رہے
  • ستمبر 13, 2019
  • 3:15 شام

سابق چیئرمین سینیٹ نے کراچی کو صوبہ بنانے کی سازش بے نقاب کرتے ہوئے کہا ہے کہ پی ٹی آئی حکومت فوری طور پر مستعفی ہوجائے

پیپلز پارٹی کے رہنما رضا ربانی نے کہا ہے کہ وفاق کی جانب سے کراچی کے معاملات سنبھالنے کا تاثر غیر آئینی ہے۔ آئین کے تحت صوبائی خود مختاری پر ضرب نہیں لگائی جا سکتی۔ وفاق صوبوں کو صرف تجاویز دے سکتا ہے۔ معاشی صورتحال پر تو وفاق کو خود پر آرٹیکل 149 کا اطلاق کرنا چاہیئے۔ ملک کے معاشی حالات بہت خراب ہیں۔ ایسی صورت میں ہم پی ٹی آئی حکومت سے مستعفی ہونے کا مطالبہ کرتے ہیں۔

انہوں نے کہا کہ سندھ کے عوام کراچی کی تقسیم برداشت نہیں کریں گے۔ اگر سندھ کو تقسیم کرنے کا سوچا گیا تو اس کے سنگین نتائج ہوں گے۔ مسئلہ کوڑا کرکٹ کا نہیں بلکہ کراچی کے کنٹرول سنبھالنے کا ہے۔ وفاقی حکومت کراچی کا کنٹرول اپنے ہاتھ میں لینا چاہتی ہے۔ تاہم یہ ممکن نہیں ہے۔ وفاق نے 18ویں ترمیم کے ذریعے صوبوں کو خود مختار بنایا۔ ماضی میں صوبے کا کنٹرول سنبھالا جا سکتا تھا۔

سابق چیئرمین سینیٹ نے انکشاف کیا کہ یہ سارا معاملہ کراچی کو صوبہ بنانے کی حکمت عملی کا حصہ ہے۔ حکومت آہستہ آہستہ حالات کو اس طرف لے کر جا رہی ہے۔ میں یہ پوچھتا ہوں کہ آپ کسی بیرونی ایجنڈے پر کام کر رہے ہیں۔ حکومت کو ہوش کے ناخن لینے چاہئیں۔ کراچی کو صوبہ بنانے کی سازش کبھی کامیاب نہیں ہونے دیں گے۔ دشمن ممالک چاہتے ہیں کہ ملک میں ایک بار پھر نسل پرستانہ فسادات شروع ہوں۔ ہمیں خطے کی صورتحال کو بھی دیکھنا چاہیئے۔

رضا ربانی نے پی ٹی آئی حکومت کو آڑھے ہاتھوں لیتے ہوئے کہا کہ ہمیں یہ دیکھنا چاہیئے کہ وفاق میں جو ٹیم بیٹھی ہے وہ سابق آمر مشرف کی ٹیم ہے۔ لہٰذا کچرے کو جواز بناکر کراچی کو سندھ سے الگ کرنے کا یہ پہلا قدم ہے۔ مسئلہ اختیارات کا نہیں بلکہ پیسے کا ہے۔

واضح رہے

اردو زبان کی قابل اعتماد ویب سائٹ ’’واضح رہے‘‘ سنسنی پھیلانے کے بجائے پکّی خبر دینے کے فلسفے پر قائم کی گئی ہے۔ ویب سائٹ پر قومی اور بین الاقوامی حالات حاضرہ عوامی دلچسپی کے پہلو کو مدنظر رکھتے ہوئے پیش کئے جاتے ہیں۔

واضح رہے