تازہ ترین
امریکہ: آن لائن کلاسیں لینے والے غیر ملکی طلبہ کو ملک بدر کرنے کی پالیسی واپسجنونی فوٹو گرافر نے گھر کو کیمرے میں ہی بدل ڈالاوزیراعظم عمران خان کا آج دیا مربھاشا ڈیم کے دورے پر جانے کا پروگرامایران، انڈیا تجارتی تعلقات: ایران نے چاہ بہار بندرگاہ کو ریل کے ذریعے زاہدان سے جوڑنے کے منصوبے سے انڈیا کو علیحدہ کر دیاوزیراعظم کے زیر صدارت وفاقی کابینہ اجلاس،کےالیکٹرک کے معاملے پر فیصلہ نہ ہو سکا“ریتلا علاقہ مگر تعلیم کے اعتبار سے زرخیز”تعمیرات کیلئے 31دسمبر تک مراعات، سرمایہ کاری اور گھر کی خریداری پر رقوم کے ذرائع نہیں پوچھے جائینگے،نسلی تعصب کی بات کرتے ہوے مائیکل ہولڈنگ ابدیدہ ہو گےوفاقی حکومت کا ریٹائرمنٹ کی عمر 55 سال کرنے پر غورمحکمہ جنگلات کے سیکرٹری کپٹین (ر) محمد آصف کاچھانگا مانگا جنگل کا تفصیلی دورہاسلام آباد مندر کی تعمیرعیدالاضحیٰ تعطیلاتپنجاب باکسنگ ایسوسی ایشن نے فیصل آباد ڈویژن کے الیکشن کو غیر آئینی قرار دے دیاخانیوال 7 جولائی 2020 واضح رہے پرائس کنٹرول مجسٹریٹ کبیروالہتیری یاد آئی تیرے جانے کے بعدشین چین جی چرچ کے چار ہزرا اراکین نے پلازمہ عطیہ کیا،مین ہی لیفیصل آباد ڈویژنل باکسنگ ایسوسی ایشن کے غیر قانونی الےکشنبلوچستان کے لاپتہ افراد: لاپتہ ہونے سے قبل والد کو سیاسی نظریات کی وجہ سے دھمکی آمیز فون آتے تھےچین کے ساتھ کشیدگی کے دوران نریندر مودی کے لیہ دورے کے کیا معنی ہے؟تاجروں کا مارکیٹوں سے لاک ڈاؤن کے خاتمے کا مطالبہ

قیامت کے دن سجدہ سہو کامران الہی ظہیر حفظہ اللہ

  • محمد عرفان حافی
  • جون 13, 2020
  • 5:17 شام

کیا پاکستان میں صحافت آزاد ہےیہ سوال سادہ نظر آتا ہے سماجی سائنس کے ایک طالب علم کے طور پر میرے لیے یہ سوال اور اس کے ممکنہ جواب دونوں ہی بہت زیادہ دلچسپی کے حامل ہیں۔

پہلے اس سوال کو دیکھیے اور اس کو پاکستان سے باہر نکال کر پوری دنیا پر پھیلائیے اور پوچھیے کہ کیا دنیا بھر میں صحافت آزاد ہے

سوال میں موجود لفظ صحافت سے کیا مراد ہے کیا اس سے مراد واقعات کی رپورٹنگ ہے یا پھر ان واقعات کا تجزیہ

صحافت کے ان دو بنیادی امور میں بھی بے پناہ تفصیلات پوشیدہ ہیں۔*مثلاً یہ فیصلہ کون اور کس بنیاد پر کرے گا کہ کون سا واقعہ رپورٹ ہونا ہے اور کون سا نہیـــــں۔ کس واقعے کو کس طرح اور کس سکیل پر رپورٹ کرنا ہےپھر کیا اسباب ہیں کہ ایک واقعہ نیویارک ٹائمز تو رپورٹ نہیـــــں کرتا لیکن وال سٹریٹ جنرل اس کو شہ سرخیوں کے ساتھ شائع کر دیتا ہے۔۔۔۔*بہت سی وہ خبریں جو برطانیہ کے روزنامہ ٹریبیون اور ٹائمز میں چھوٹی ہو جاتی ہیں وہ ہی خبریں گارڈینز اور دی انڈیپنڈنٹ میں بڑی ہو کر شائع ہوتی ہیں۔کس بنیاد پر سکائی نیوز اور فوکس نیوز صدام حسین کے کیمیائی ہتھیاروں کا مقدمہ پُرزور انداز میں پیش کرتے ہیں مگر چینل فور اور واچ فرانس 24 لائیو انہی خبروں پر شکوک کا اظہار کرتے ہیںاسی طرح طرح تجزیہ کا معاملہ بھی پیچیدہ ہے آخر نیو یارک ٹائمز نوم چومسکی، اقبال احمد اور ایڈورڈ سعید کی تحریریں کیوں شائع نہیـــــں کرتا؟

جبکہ دی نیو یارکر میں یہی لکھنے والے نہ صرف یہ کہ باقاعدگی سے شائع ہوتے ہیں بلکہ دنیا بھر میں پڑھے بھی جاتے ہیں۔برطانیہ کے رابرٹ فسک کی تحریریں صرف دی انڈیپنڈنٹ کیوں شائع کرتا ہے اروندتی رائے بھی ہندوستان کے گنے چنے اخبارات ہی میں شائع ہوتی ہیں اور گنے چنے نیوز چینلز ہی ان کو انٹرویو کرتے ہیں۔*

سوال کی جانب واپس چلیے۔ کیا پاکستان میں صحافت آزاد ہے

یعنی کیا پاکستان میں میڈیا واقعات کو آزادانہ رپورٹ کرسکتا ہے؟*میں آپ کے سامنے سوال رکھوں گا کہ کیا میڈیا دنیا بھر میں ہونے والے واقعات کو آزادانہ رپورٹ کر سکتا ہے؟کیا آپ کو معلوم ہے کہ لیبیا، یمن، شام اور عراق کی موجودہ صورتحال کیا ہے*کیا آپ فلسطین میں ہونے والے واقعات سے اسی طرح واقف اور آگاہ رہتے ہیں جیسے آج سے دس سال پہلے رہتے تھےاگر نہیـــــں اور یقیناً نہیـــــں تو کیوں؟ ۔۔۔دور کیوں جاتے ہیںگزشتہ کم از کم ایک دہائی سے ہندوستانی مسلمان خوف کی جس کیفیت سے گزر رہے ہیں دنیا کی سب سے بڑی جمہوریت کا میڈیا اس کو کیسے دکھاتا ہے` کیا آج کی تاریخ تک نیو یارک ٹائمز نے کرونا وائرس سے ہونے والی اموات اور اس کے نتیجے میں پیدا ہونے والی صورتحال کی ویسی ہی رپورٹنگ کی ہے جیسا نیویارک میں رہنے والوں نے دیکھی ہے

نتیجہ نکالیے۔۔۔ رپورٹنگ اور تجزیہ کی مکمل آزادی شاید کہیں بھی نہیـــــں ہے۔ بڑے بڑے میڈیا ہاؤسز اپنی اپنی ترجیحات کے تحت چلائے جاتے ہیں انکی ترجیحات ہی بنیادی طور پر واقعات کی رپورٹنگ اور تجزیات کے رخ کا تعین کرتی ہیں۔ جس کی جو بھی اور جیسی بھی ترجیح ہو ایک بات بہرطور طے ہے کہ اس تمام تر کا مقصد پڑھنے اور خبریں سننے والے کے ذہن کو اپنی ترجیحات کے مطابق متاثر کرنا ہوتا ہے۔کیا کارپوریٹ میڈیا کے اس دور میں دیانت دارانہ رپورٹنگ اور تجزیے کے امکانات موجود ہیں(یہاں لفظ “دیانت دارانہ” استعمال کرنے پر معذرت چاہتا ہوں ایک معروضی تجزیہ کی کوشش میں مذہبی رجحانات سے لدے لفظ استعمال نہیـــــں ہونے چاہئیں)۔ اس سوال کا موجودہ حالات میں سب سے بہتر جواب برطانوی صحافی رابرٹ فسک دیتے ہیں۔*

وہ اسرائیل کی ایک خاتون صحافی عامرہ ہاس کا ایک قول صحافی کے بنیادی فریضہ کے ذیل میں اکثر دہراتے ہیں۔```عامرہ ہاس کے مطابق صحافی کا بنیادی کام پاور سنٹر پر نظر رکھنا ہے۔*کارپوریٹ میڈیا کے اس دور میں چاہے وہ صحافت میں رپورٹنگ کا شعبہ ہو یا تجزیہ کا۔۔۔ صحافت کے بنیادی فرائض کے ذیل میں اس سے بہتر بات شاید نہیـــــں کی جا سکتی۔ اس جملے میں موجود رہنمائی صرف صحافیوں کے لیے نہیـــــں ہے بلکہ ہر اس انسان کے لیے ہے جو خبر جاننے کی جستجو رکھتا ہے اور ان خبروں سے معاملات کی درست تفہیم کشید کرنے کی خواہش رکھتا ہے۔``` سماجی حرکیات کے مطالعے کو ایک سائنس اور اس مطالعہ پر اصرار کرنے والے دانشور اگلی ہی سانس میں مذہبی دستاویزات سے اس سائنس کو برآمد کرنے کا بے دلیل دعوی کرکے گیند سماجی علوم کے ماہرین کے کورٹ میں یہ کہہ کر پھینک دیتے ہیں

کہ ہمارے ہاں سماجی حرکیات کا مطالعہ نہیـــــں کیا گیا اس لئے تجزیہ نگاروں سے پے در پے غلطیاں ہو رہی ہیں۔ ان کو یہ بھی شکایت ہے کہ مغربی مفکرین کی تحریروں سے اخذ کردہ نتائج کا اطلاق ہمارے معاشرے کی سماجی حرکیات پر نہیـــــں ہوتا لہذا یہ مطالعے پاکستان کی صورتحال کو سمجھنے اور سمجھانے کا کام انجام نہیـــــں دے سکتے۔```ان دو مقدمات کا الگ الگ جائزہ لینے کی کوشش کرتے ہیں۔ ایک تو یہ کہ پاکستانی تجزیہ نگار غلطیوں پر غلطیاں کیوں کرتا چلا آرہا ہے

اور دوسرا یہ کہ سماجی حرکیات کا مطالعہ کیسے اور کیوں کر ممکن ہے؟`

پاکستانی تجزیہ نگار غلطی کیوں کرتا ہے؟ ایک “عارف” ایک سیاسی رہنما کی خاموش حمایت کیسے کرتا ہےایک اور صاحب سولہ یا اٹھارہ برس تک موجودہ وزیراعظم کے اپنے تئیں اتالیق بن کر اور ان کی شان میں کیونکر زمین و آسمان کے قلابے ملاتے رہے؟ انور مقصود جیسا زیرک آدمی ان ہی کی شان میں کیا کچھ نہیـــــں کہتا رہا؟``` 2008 کے انتخابات کے نتیجے میں بننے والی حکومت کے دور میں غضب کرپشن کی عجب کہانیاں کس کس نے بیان کیں اور پھر نواز شریف اور ان کے خاندان کی عزیمت کی داستانیں اور اس عزیمت سے طلوع ہونے والی بہار کی امیدیں کس کس نے دلائیں؟ آپ کے سامنے ہے یہ سارے تجزیے موجودہ حکومت کے اقتدار میں آنے سے پہلے چھ مہینوں کے اندر اندر منہ کے بل زمین پر آ گرے۔ ذرا اور پیچھے جائیں۔ ملک میں دہشتگردی کا راج تھا، دہشت گردوں کی حمایت میں بولنے اور لکھنے والے آج کہاں ہیں

جب پشاور میں ہونے والے واقعات کے بعد پاور سنٹر نے ایک مختلف فیصلہ کیا تو ان تمام تجزیہ نگاروں کی بولتی بند کیوں ہو گئی؟ دہشت گردوں کو بازوئے شمشیر زن قرار دینے والے, ان کو دفاتر کھول کر دینے کی سفارش کرنے والے الٹے پیروں اپنی کمین گاہوں میں کیوں چھپ گئے؟``` وہ صحافی اور دانشور کیا ہوئے جنہیں دہشتگردوں نے اپنی جانب سے مذاکرات کار مقرر کیا تھا؟``` ذرا اور ماضی میں جائیں۔ افغان قضیے کو جہاد قرار دینے والے اور اس میں شرکت کی تبلیغ کرنے والے صحافی کیا ہوئے؟ کیا یہ صرف تجزیے کی غلطی تھیجب کوئی کام باقاعدگی اور تسلسل سے ہو تو وہ غلطی نہیـــــں کہلاتا۔حسن ظن رکھیے۔۔۔۔ اگر نیت کا فتور نہ بھی ہو تو کم از کم اتنا اعتراف تو فرمائیے کہ آپ کے طریقہ کار (جسے معروضی جائزوں میں Methodology کہتے ہیں) میں ایک بنیادی غلطی ہے۔*

اور یہ بنیادی غلطی وہ ہے کہ نرم سے نرم الفاظ میں یہ کہا جا سکتا ہے کہ پاکستانی تجزیہ نگاروں (چند ایک کے علاوہ) نے ملک اور دنیا کے پاور سینٹرز پر یا تو نظر نہیـــــں رکھی یا وہ اپنے تجزیوں میں ان کی کار گزاریوں کی اہمیت سے آگاہ نہیـــــں تھے۔ اقتدار کی غلام گردشوں میں ایک تو وہ ہوتے ہیں جو ایک خاص وقت میں پاور سنٹر کے منظور نظر ہوتے ہیں اور دوسرے وہ جو اس نظر التفات کے متمنی اور منتظر رہتے ہیں۔ پاکستانی تجزیہ نگاروں کی تمام تر توجہ کا مرکز ان دونوں گروہوں کی باہمی کشمکش رہی ہے۔ پاور سینٹر کس وقت کس کو اپنے خوان نمک سے سرفراز کرتا ہے اور کیوں؟ یہ تصویر پاکستانی تجزیہ نگاروں کی اکثریت کبھی نہیـــــں دکھا سکی۔``` پاور سینٹر کے حضور شرف باریابی کے لیے جستجو کرنے والوں سے عزیمت کی امید۔۔۔۔ تجزیے کی کیا اس سے بڑی بھی کوئی غلطی ہو سکتی ہے۔*اس غلطی کا اس بات سے کوئی تعلق نہیـــــں ہے کہ ملک میں سماجی حرکیات کا مطالعہ کیا جا چکا ہے یا نہیـــــں۔۔ سماجی علوم کے ماہرین نے اس ضمن میں کیا نتائج مرتب کیے ہیں۔۔ یہ غلطی معاملات کے پیچھے موجود دست غیب کو نہ دیکھ سکنے اور اس کی کارگزاری کو درست طریقے سے شناخت نہ کر سکنے کی غلطی ہے۔ یہ غلطی پاور سنٹر کی پذیرائی اور پشت پناہی چاہنے والوں میں مسیحائی اور نجات دہندگی ڈھونڈنے کی غلطی ہے۔```

یہ غلطی اگر اسی طرح کی جاتی رہی تو تجزیہ نگاروں کے سر سجدہ سہو میں پڑے پڑے سوکھ جائیں گے۔*پاکستان میں سماجی حرکیات کا معروضی مطالعہ کیونکر ممکن ہے؟ یہ دوسرا سوال بہت ہی اہم ہے۔```سماجی حرکیات کے مطالعہ کو اگر آپ سائنس سمجھتے ہیں تو اس کا لازمی مطلب ہے اس مطالعے کے سوچے سمجھے اصول اور وضع کردہ طریقہ کار ہوں گے جو ہر معاشرے میں حرکیات کے مطالعہ کے لیے مدد اور رہنمائی فراہم کریں گے۔*سماجی سائنسز کا ایک اہم مسئلہ یہ رہا ہے کہ ان میں دخل در معقولات کے لیے کسی بھی باضابطہ تربیت کو ہمارے ایسے معاشروں میں کبھی بھی ضروری خیال نہیـــــں کیا گیا۔ صحافیوں اور علماء نے بالخصوص اس شعبے میں اپنی مہارت کے جوہر دکھائے ہیں۔ ان حضرات کی کوششوں کے نتائج آپ جابجا دیکھ سکتے ہیں۔۔۔۔```

علماء نے اپنے مسلکی مفادات کے تحفظ اور حصول کے لیے یہ کام کیا جبکہ صحافیوں نے پاور سنٹر کے ایماء پر ہونے والے واقعات کو تاریخی تناظر سے الگ کرکے تجزیے کیے اور نتیجتاً غلط نتائج اخذ کیے۔۔۔*اپنے شعبوں میں اختصاص پر اصرار کرنے والے۔۔۔ عربی اور فارسی جانے بغیر مذہبی امور پر رائے دینے سے روکنے والے علماء اور سکالرز سماجی علوم کی ہر شاخ سے متعلقہ موضوعات پر رائے دیتے نظر آتے ہیں۔۔```آپ خود دیکھ لیجیے کہ کیا ایرک فرام کی تفہیم فرائیڈ کے مطالعہ کے بغیر ممکن ہےکیا The Sane Society کا ترجمہ “عاقل سوسائٹی” کیا جاسکتا ہے*کیا ولہلم رائخ کا مطالعہ اس کے فرائیڈ سے اختلافات کی نوعیت جانے بغیر کیا جاسکتا ہے

ان مطالعوں کے لیے کسی یونیورسٹی کے شعبہ نفسیات کی ڈگری شاید ضروری نہ ہو لیکن نفسیات کی مبادیات پر دسترس بہرحال ضروری ہے۔۔۔ جس طرح عربی اور فارسی سے نابلد افراد کی دینیات پر رائے زنی ناپسندیدہ ہے اسی طرح مذہبی علماء کی رائے کو سماجی حرکیات کا مطالعہ کہنا اور اسے سائنسی مطالعے کا ہم پلّہ قرار دینا بھی یقیناً محل نظر ہے لیکن یہ ذہن میں رکھیے کہ صحافی اور علماء کم از کم پاکستان کی حد تک اس دخل در معقولات کے اس درجہ عادی ہوچکے ہیں*

کہ اب ان کو احساس ہی نہیـــــں ہوتا کہ کب انہوں نے اپنے مخصوص دائرہ کار سے باہر قدم رنجہ فرما کر علم کے ایک یکسر الگ شعبے میں داخل ہو چکے ہیں جس کے بارے میں ان کی معلومات سطح عمومی سے زیادہ نہیـــــں ہے۔```کرونا وائرس پر مذہبی نسخے آپ نے حال ہی میں سنے ہیں۔ ان نسخوں کی بابت سب کو معلوم ہے کہ کوئی بھی یہ نسخہ استعمال نہیـــــں کرے گا۔* خدانخواستہ ضرورت پڑی تو سب میڈیکل سائنس کے شعبے سے تربیت یافتہ ماہرین ہی کے پاس جائیں گے لیکن سماجی علوم کے شعبوں کے بارے میں ایک عمومی گمان یہ ہے کہ یہاں پر ہونے والے مطالعے اور تحقیقات کے نتائج صرف اور صرف کامن سینس کی بنیاد پر استوار ہوتے ہیں اس لیے ہر کس و ناکس یہاں طبع آزمائی کر سکتا ہے۔ اس لیے ان موضوعات پر مذہبی اسکالرز کی رائے کو عوام میں پذیرائی حاصل ہوتی ہے۔```

دوسرا سوال یہ ہے کہ سماجی حرکیات کا مطالعہ کن اصولوں پر ہوتا ہے یا ہوسکتا ہے

کچھ عرصہ قبل انتہا پسندی اور رد عمل کی نفسیات پر چند گذارشات پیش کر چکا۔ حال ہی میں ولہلم رائخ اور ایرک فرام پر لکھے گئے اپنے استاد پروفیسر خالد سعید کے مضامین کی مزید تشریحات پیش کی ہیں۔``` اس طرح کے مضامین میں رائخ اور فرام جیسے ماہرین نے سماجی حرکیات کے مطالعے کے جو اصول وضع کیے تھے ان کو رہنما بنا کر میں نے پاکستانی معاشرے کی حرکیات کو سمجھنے کی کوشش کی ہے۔* ان دونوں ماہرین نے مختلف معاشروں کے پاور سینٹرز کی کارگزاری کو سامنے رکھ کر اس کے نتیجے میں پیدا ہونے والی نفسیاتی صورتحال کو اس کے پھیلاؤ اور گہرائی کے ساتھ بیان کیا ہے۔ فرام نے سرمایہ دارانہ نظام کو جبکہ رائخ کے ہاں فاشزم کو پاور سینٹر ٹھہرا کر سماجی حرکیات اور اس کے نتیجے میں تشکیل پانے والی شخصیت کو بیان کیا ہے۔ ایرک فرام اور رائخ تو نفسیات کی دنیا سے تعلق رکھتے ہیں۔```

نفسیات کے علاؤہ اہم فلاسفہ شوپنہار، نطشے اور بعد ازاں فرانس کے مشل فوکو نے “پاور” کے بنیادی تصور کو اس وضاحت سے بیان کر دیا ہے*کہ اب کسی قسم کی کوئی “پاور” خواہ وہ فرد سے تعلق رکھتی ہو، گروہ سے تعلق رکھتی ہو یا اداروں سے۔۔۔۔۔ نظروں سے اوجھل نہیـــــں رہ سکتی۔ ہم نے نہ صرف یہ کہ ان تجزیوں کو سمجھنے کی اہلیت پیدا نہیـــــں کی بلکہ ان کا مذاق اڑایا۔```

نطشے کی اخلاقیات پر شائع ہونے والے اردو مضامین کا جائزہ لیجیے۔ وہ طاقتور اور کمزور کی اخلاقیات کو الگ الگ کر کے دکھاتا ہے۔*یہ تجزیہ یہ ہمارے معاشرے میں موجود اخلاقی رویوں اور رجحانات کی تفہیم کو آسان بناتا ہے۔ معاشرے کے طاقتور گروہ جس طرح کمزور طبقات کو کنٹرول کرنے کے لیے اخلاقیات کو استعمال کرتے ہیں اس طریقہ کار کا تفصیلی مطالعہ آپ نطشے کے کام میں دیکھ سکتے ہیں۔```ہمارے مذہبی اسکالرز نے نطشے کے اخلاقیات پر بیان کا جو حشر کیا ہے وہ بیان سے باہر ہے۔ یہی سلوک مشعل فوکو کے ساتھ ہوا۔* آپ جانتے ہیں کہ فوکو نے “پاور” کو اپنے مختلف نظریات میں واضح کیا ہے۔ چاہے وہ اس کا قید خانے کا مطالعہ ہو، پاگل خانے کا، یا حکومت کا۔۔۔ یا جس طرح مختلف علوم کو طاقتور گروہ Power) knowledge) استعمال کرتے ہیں۔```ہر جگہ فوکو پاور سنٹر کی کارگزاریوں کو اس تفصیل سے واضح کرتا ہے کہ پاور سینٹرز کے لئے کچھ بھی مخفی رکھنا اب ممکن نہیـــــں رہا۔*

اسی طرح نفسیات میں سماجی حرکیات کا یہ مطالعہ سائنسی طریقہ کار Methods کے تحت کیا گیا ہے۔ اس طریقے کو استعمال کرتے ہوئے لارنس برٹ نے دنیا کے ساتھ حکمرانوں کے طرز حکومت کے بارے میں ناقابل تردید حقائق بیان کیے ہیں۔لہذا یہ اعتراض غلط ہے کہ ان مفکرین کے وضع کردہ اصولوں کی مدد سے پاکستانی معاشرے کا تجزیہ اس لیے ممکن نہیـــــں ہے کیونکہ تجزیہ کرنے والا مقامی نہیـــــں تھا۔* ایک فاشسٹ معاشرے کے بارے میں لارنس برٹ نے دنیا کے ساتھ ملکوں کا سماجی تجزیہ کر کے وہ چودہ خصائص بیان کیے ہیں جو ان تمام معاشروں میں ایک قدر مشترک کے طور پر موجود تھے۔ اس نے یہ ثابت کیا ہے کہ ان معاشروں میں موجود مماثلت محض اتفاقی نہیـــــں تھی۔ فاشسٹ حکمران اور معاشرے خواہ دنیا کے کسی خطے میں موجود ہوں ایک جیسی خصوصیات کے حامل ہوتے ہیں۔ ``` برٹ کے بیان کر دہ چودہ خصائص کا مطالعہ کیجیے اور دیکھیے کہ ان چودہ میں سے کون سی ایسی خصوصیت ہے جو پاکستانی معاشرے میں نہیـــــں پائی جاتی۔*

لیکن مشکل یہ ہے کہ ان چودہ میں سے ایک خصوصیت مذہب اور پاور سنٹر کے مابین تعلق کے بارے میں تفصیلات کو بیان کرتی ہے۔```برٹ کی تحقیق یہ بتاتی ہے کہ فاشزم اپنی اکثر حالتوں میں مذہب اور مذہبی طبقوں کی پشت پناہی کے بغیر نہ تو وجود میں آتا ہے اور نہ باقی رہتا ہے۔* پاکستان جیسے معاشروں میں جہاں مذہبی طبقے اور پاور سینٹرز کے درمیان روز اول سے ہی اشتراک عمل موجود ہو وہاں اس طرح کے تجزیہ کی حوصلہ افزائی کون کرے گا۔ جن مذہبی علماء کے سماجی حرکیات پر تجزیوں کی بابت بیان کیا گیا ہے یہ طالب علم ان میں سے صرف چند ایک سے واقفیت رکھتا ہے۔```آپ ذرا ان تجزیوں کا جائزہ لیجیے۔ ان میں سے اکثر زوال امت کے اسباب ڈھونڈنے کی کوشش کرتے نظر آتے ہیں۔*

یہاں زوال سے مراد صرف دنیا پر حکمرانی کے خواب کا پورا نہ ہونا ہے۔ ہر تجزیے کا انت یہ ہے کہ امت نے مذہب کی ایک خاص تشریح سے دوری اختیار کی جس کی وجہ سے امت یہ دن دیکھ رہی ہے۔ کسی نے عجم اور عجمی تصوف پر ملبہ ڈالا۔ کسی نے اجتہاد کرنے پر زور دیا۔ کسی نے متبادل بیانیہ کی ضرورت بیان کی اور کوئی فحاشی، بے راہروی اور عورت کی آزادی کو موجودہ صورتحال کا ذمہ دار قرار دیتا رہا۔۔۔```دل پر ہاتھ رکھ کر کہیے کیا کسی نے مختلف معاشروں میں موجود انسانوں کی نفسیاتی حالت کے بارے میں مذہبی وابستگی سے قطع نظر کوئی ایک قابل تصدیق تجزیہ پیش فرمایا

اگر مولانا حسین احمد مدنی ابو الکلام آزاد اور عبیداللّٰــــــہ سندھی کے تجزیوں پر بات ہو سکتی ہے تو وہ کیا چیز ہے جو سائنسی اصولوں پر وضع کردہ مطالعات کو اپنے معاشرے پر اطلاق سے روکتی ہے۔``` مذہبی لوگوں کے علاوہ سماجی سائنس کے محققین نے جن اصولوں پر تحقیقات کی ہیں ان اصولوں کو ذرا اپنی صورتحال کے مطالعے کے لیے استعمال کر کے تو دیکھیں ہو سکتا ہے وہ فکری امامت جس کی تمنا کی جاتی ہے یہاں سے میسر آجائے اور مذہبی اور مسلکی دشمنی اور عداوت سے ماورا ایک ایسا تجزیہ ہاتھ لگے جس کی تصدیق ہمارا سماج اور فطرت کرتی ہے۔*

محمد عرفان حافی

صحافی واضح رہے اینڈ سوشل میڈیا مارکیٹر

محمد عرفان حافی