تازہ ترین
چپو سے چمکتے ستارے: پاکستانی روئنگ ٹیم کی تاریخی جیت مگر خاموشی کیوں؟ڈونلڈ ٹرمپ آج امریکہ کے 47ویں صدر کی حیثیت سے حلف اٹھائیں گےسابق وزیراعظم عمران خان کی اڈیالہ جیل میں میڈیا اور وکلأ سے گفتگوتعلیمی نظام میں سیمسٹر سسٹم کی خرابیاں24 نومبر فیصلے کا دن، اس دن پتہ چل جائے گا کون پارٹی میں رہے گا اور کون نہیں، عمران خانایشیائی کرنسیوں میں گراوٹ کا اندازہ لگایا جا رہا ہے کہ ٹرمپ کی جیت ڈالر کو آگے بڑھا رہی ہے۔امریکی صدارتی الیکشن؛ ڈونلڈ ٹرمپ نے میدان مار لیاتاریخ رقم کردی؛ کوئی نئی جنگ نہیں چھیڑوں گا؛ ٹرمپ کا حامیوں سے فاتحانہ خطابیورو و پانڈا بانڈز جاری کرنے کی حکومتی کوشش کی ناکامی کا خدشہکچے کے ڈاکوؤں پر پہلی بار ڈرون سےحملے، 9 ڈاکو ہلاکبانی پی ٹی آئی کے وکیل انتظار پنجوتھہ اٹک سے بازیابایمان مزاری اور شوہر جسمانی ریمانڈ پر پولیس کے حوالےپشاور ہائیکورٹ کا بشریٰ بی بی کو کسی بھی مقدمے میں گرفتار نہ کرنیکا حکم’’سلمان خان نے برادری کو رقم کی پیشکش کی تھی‘‘ ؛ بشنوئی کے کزن کا الزامالیکشن کمیشن نے پی ٹی آئی کو جماعت تسلیم کر لیابشریٰ بی بی اڈیالہ جیل سے رہا ہو کر پشاور پہنچ گئیںجسٹس منیر سمیت کتنے جونیئر ججز سپریم کورٹ کے چیف جسٹس بنےآئینی ترمیم کیلئے حکومت کو کیوں ووٹ دیا؟مبارک زیب کا ردعمل سامنے آ گیاذرائع کا کہنا ہے کہ لبنان کو اس ہفتے FATF مالیاتی جرائم کی واچ لسٹ میں شامل کیا جائے گا۔امریکہ سیاسی تشدد

پنجاب ایجوکیٹرز ایسوسی ایشن میاں چنوں ضلع خانیوال کا اجلاس

پی ای اے
  • وحید احمد
  • جون 6, 2020
  • 10:54 صبح

حکومت رواں مالی بجٹ میں اساتذہ کرام کی تنخواہوں میں خاطر خواہ اضافہ کرے۔قیصر ندیم عظمت، صدر پنجاب ایجوکیٹرز ایسوسی ایشن، میاں چنوں، ضلع خانیوال

میاں چنوں (واضح رہے)پنجاب ایجوکیٹرز ایسوسی ایشن میاں چنوں ضلع خانیوال کے صدر قیصرندیم عظمت نے کہا کہ رواں مالی بجٹ میں اساتذہ کرام کی تنخواہوں میں خاطر خواہ اضافہ کیا جائے تا کہ اس ہوش ربا مہنگائی میں وہ بنیادی ضروریات زندگی کے حصول کے ساتھ اپنے خاندان کی کفالت کر سکیں، یہ بات انہوں نے پی ای اے کے ایک اجلاس کے دوران کہی انہوں نے مزید کہا کہ معیار تعلیم کی بہتری کے لیے اس بجٹ میں تمام مہنگائی الاؤنسز ضم کر کے سکیل نمبر 1 تا 22 تک کو فی صد کی شرح سے دینے کے بجائے یہ الاؤنسز روز بروز بڑھتی ہوئی مہنگائی کے تناسب سے متعین کیے جائیں۔

سید اسرار حسین گردیزی چیئرمین پنجاب ایجوکیٹرز ایسوسی ایشن خانیوال نے کہا کہ چادر اور چار دیواری کے تقدس کیلئے مردانہ سکولوں میں تعینات خواتین اساتذہ کوعنقریب ہونے والے تبادلہ جات کے دوران فوری طور پر قریبی گرلز سکولوں میں شفٹ کیا جائے اور آئندہ خواتین کی تعیناتی صرف گرلز سکولوں میں ہی کی جائے، انہوں نے مزید کہا کہ اساتذہ کے تبادلے ایس ٹی آر کے بغیر کیے جائیں تا کہ سب کو ذہنی آسودگی کے ساتھ گھروں کے قریب سکولوں میں پڑھانے کا موقع مل سکے۔

وحید احمد میڈیا سیکریٹری پنجاب ایجوکیٹرز ایسوسی ایشن نے کہا کہ پرائمری،مڈل،ہائی اور ہائیر سیکنڈری سکولوں میں اعلیٰ تعلیمی و پیشہ ورانہ قابلیت کے حامل اساتذہ کو لیکچرار اور سبجیکٹ سپیشلسٹ کی طرح سکیل 17 دیا جائے، اس کے ساتھ ساتھ مستقبل میں اساتذہ کی بھرتی مستقل بنیادوں پر کی جائے اور پہلے سے بھرتی اساتذہ کو تاریخ تقرری سے مستقل کیا جائے۔

اسد یار خان صدر پی ای اے مرکز محسن وا ل نے چیئر مین الیکشن کمیشن سے مطالبہ کیا کہ اساتذہ کو الیکشن سے متعلقہ کام کرنے کے معاوضہ جات فوری طور پر ادا کیے جائیں جبکہ چیئرمین پنجاب ایگزامینیشن کمیشن اس بات کا نوٹس لیں کہ جماعت ہشتم کی نگرانی اور مارکنگ کے معاوضہ جات فوراََ اساتذہ کو ادا کیے جائیں اور نمایاں کامیابی حاصل کرنے والے طلباء کو وظائف سے بھی نوازا جائے۔ میٹنگ کا اختتام اللہ تعالیٰ سے کرونا کی عالمی وبا کے خاتمے اور ملک پاکستان کی سلامتی کی دعاؤں پر ہوا۔

وحید احمد

وحید احمد کا تعلق میاں چنوں، ضلع خانیوال سے ہے، پیشے کے لحاظ سے استاد ہیں، ماسٹر ٹرینر بھی ہیں اور بطور کالم نگار ملکی اور علاقائی اخبارات و جرائد میں مختلف علمی، ادبی، حالات حاضرہ، قومی شخصیات اور قومی و بین الاقوامی طور پر منائے جانے والے دنوں کے بارے میں لکھتے ہیں،ان کے کالم مختلف ویب سائٹس پر بھی شائع ہوتے ہیں، اور اس کے ساتھ ساتھ وہ ایک سماجی کارکن بھی ہیں۔

وحید احمد