تازہ ترین
دینی مدارس رفاہ عام میں سب سے آگےبیگانی شادی میں عبداللہ دیوانہدیکھنا قیمت گلزار بھی گرجائے گیاللہ کی طاقت، کرونا وائرس اور حفاظتی حصارخاموشئی احساس سے مردہ ضمیری تکہوئے تم دوست جس کے دشمن اس کا آسماں کیوں ہوآخر دنیا ختم ہونے کی کتنی پیش گوئیاں کی جائیں گی!ترقی کیلئے شرح سود میں کمی ناگزیر ہے۔ کاٹیآٹا سستا ہونے کے باوجود عوام 70 روپے فی کلو خریدنے پر مجبورکورونا وائرس کے پاکستان میں پھیلنے کا خطرہسابق آمر مشرف کو آئین توڑنے پر سزائے موت کا حکمپی ٹی آئی رکن پنجاب اسمبلی نے 37 ایکڑ زمین ہتھیالی’’سارے پاکستان میں ملک ریاض جیسی مافیا سرگرم ہے‘‘اظہر علی ٹیسٹ اور بابر ٹی ٹوئنٹی کپتان مقرر۔ سرفراز فارغمولانا فضل الرحمان کا دھرنے کا اعلان۔ کنٹینرز بھی بنوالئےالیکشن کمیشن ارکان کے مستقبل کا فیصلہ ہونے کے قریبزلزلے سے اموات کی تعداد 38 ہوگئی۔ سینکڑوں افراد بے یارو مددگاربائیو میٹرک تصدیق کے باوجود بینک اکاؤنٹس آپریشنل نہ ہونیکی شکایاتملکی تاریخ میں پہلی بار مرغی 400 روپے کی ہوگئیگستاخ ٹیچر نوتن لعل کو قرار واقعی سزا دینے کا مطالبہ

پی ٹی آئی رکن پنجاب اسمبلی نے 37 ایکڑ زمین ہتھیالی

naeem ibrahim PTI
  • واضح رہے
  • دسمبر 15, 2019
  • 11:12 شام

تقریباً ساڑھے 9 کروڑ مالیت اراضی کے اصل مالک نے قبضہ چُھڑانے کیلئے حکومت میں اعلیٰ سطح پر اپنی شکایت پہنچائی ہے۔ لیکن حکام نعیم ابراہیم کے آگے بے بسی کی تصویر بنے ہوئے ہیں

عارف والا سے پی ٹی آئی کے رکن پنجاب اسمبلی نعیم ابراہیم نے ایک شہری کی بیرون ملک موجودگی کا ناجائز فائدہ اٹھاتے ہوئے اس کی 37 ایکڑ زمین ہتھیالی۔ سمندر پار پاکستانی محمد اشرف جو کہ زمین کے اصل مالک ہیں، نے قبضہ ختم کرانے کی بھرپور کوشش کی۔ لیکن علاقے میں رکن صوبائی اسمبلی نعیم کی بدمعاشی اور اثرو رسوخ کے باعث انہیں مسلسل ناکامی کا سامنا ہے۔

اس ضمن میں سالہا سال سے کورٹ میں بھی کیس زیر التوا ہے۔ جبکہ گورنر پنجاب چوہدری محمد سرور بھی یقین دہانیوں کے باوجود زمین تاحال واگزار نہیں کراسکے ہیں۔

قبضہ مافیا نعیم کی جانب سے محمد اشرف کو کہا گیا ہے کہ 60 لاکھ روپے کے عوض ان کی زمین واپس کی جاسکتی ہے، لیکن اگر رقم ادا نہ کی تو چاہے وہ وزیر اعظم سے سفارش کرالیں زمین نہیں ملے گی۔ لندن سے "واضح رہے" سے گفتگو کرتے ہوئے محمد اشرف نے بتایا کہ اس بار بھتہ نہیں دوں گا، کیونکہ پہلے بھی پیسے دے چکا ہوں۔ لیکن زمین واپس نہیں ملی۔

اس حوالے سے متاثرہ شہری نے حال ہی میں اوورسیز پاکستانیوں کیلئے بننے والی تنظیم "انصاف فار یو" سے مدد طلب کی ہے اور بتایا ہے کہ حکمراں جماعت کا ایم پی اے عارف والا میں ان کی زمین پر قبضہ کئے بیٹھا ہے۔

عارف والا سے ذرائع نے تصدیق کرتے ہوئے "واضح رہے" کو بتایا ہے کہ پی ٹی آئی کا ایم پی اے جس زمین پر قابض ہے اس کی مالیت تقریباً ساڑھے 9 کروڑ روپے بنتی ہے۔ نعیم نے زمین کے جعلی اسٹمپ پیپر بھی بنا رکھے ہیں۔

واضح رہے کہ حکومت کی جانب سے اب تک اوورسیز پاکستانیوں کے مسائل کے حل کیلئے جو سیل بنائے گئے ہیں وہ غیر موثر ہیں، بلکہ یہ کام ہی نہیں کر رہے اور غیر فعال ہیں۔