تازہ ترین
پی ٹی آئی حکومت کے خاتمے کیلئے نواز شریف کا بڑا فیصلہسنسرشپ کا سامنا کرنے والے ممالک میں پاکستان کا 39واں نمبردورہ پاکستان کیلئے سری لنکا کی بے بی ٹیم کا اعلانبھارت کشمیر سے کرفیو کیوں نہیں اٹھا رہا؟ پاکستانی حکومت غافلجنوبی افریقہ: ہر 3 گھنٹے میں ایک عورت قتل کردی جاتی ہےعدلیہ نے ملک کو تباہی کے دہانے پر پہنچا دیا۔ حشمت حبیبپنجاب پولیس کی حراست میں 17 افراد کی ہلاکت کا انکشافافغان جنگ کو مزید طول دینے کیلئے امریکہ کی قلابازیعالمی شہرت یافتہ لیگ اسپنر عبدالقادر انتقال کر گئےیوٹیوب پر نفرت کا اظہار 52 فیصد بڑھ گیاپی ٹی آئی حکومت کا پہلا سال ’’مہنگائی کا سال‘‘ قرارروشنی بکھیرنے والے پودے تیارشہید مرسی کے چھوٹے بیٹے کو دل کا دورہ۔ انتقال کرگئےبھارتی زعم کی تقویت ہماری معاشرتی تنزلیپی بی آئی ایف کا شرح سود کو سنگل ڈیجٹ پر لانے کا مطالبہمصباح کا پروفیشنلزم پر زورمصباح کو ہیڈ کوچ۔ چیف سلیکٹر کی دوہری ذمہ داری مل گئیپاکستانی تربیت یافتہ کمانڈوز دیش میں داخل ہوگئے۔ بھارت کا نیا شوشہرانا ثناء اللہ کو مزید جیل میں رکھنے کا نیازی منصوبہسعودی عرب میں نماز کے اوقات میں کاروبار کی اجازت

پاکستان کا وہ حصہ جہاں اشیاء سستی کردی گئیں

پاکستان کا وہ حصہ جہاں اشیاء سستی کردی گئیں
  • واضح رہے
  • مئی 7, 2019
  • 1:48 شام

گلگت بلتستان کے تاجروں نے احترام رمضان میں ڈیری مصنوعات، دال، چاول اور مشروبات سمیت کھانے پینے کی متعدد اشیاء کی قیمتوں میں نمایاں کمی کر دی ہے۔

گلگت بلتستان میں تاجروں نے اشیاء خورو نوش کی قیمتوں میں 10 سے 20 روپے فی کلو کمی کا اعلان کردیا۔ ان میں دیسی گھی، مکھن، مختلف اقسام کی دالیں، مختلف اقسام کے چاول، چائے، مشروبات و دیگر اشیاء شامل ہیں۔ مرکزی انجمن تاجران گلگت بلتستان کے سیکرٹری اطلاعات حاجی غلام حسین نے اخبار نویسوں سے بات چیت کرتے ہوئے کہا کہ ہم نے گزشتہ برس بھی ضلعی انتظامیہ کے ساتھ بھرپور تعاون کیا تھا اور اس سال بھی اسسٹنٹ کمشنر کیپٹن (ر) محمد شاہ رخ چیمہ کے ساتھ تعاون کر رہے ہیں۔ رمضان المبارک کے مقدس مہینے میں ایک بار پھر روزہ داروں کی خدمت کا موقع ملا ہے۔

غلام حسین نے کہا کہ اس مقدس مہینے میں اللہ کی رضا حاصل کرنے کیلئے ہم مختلف اشیاء کے اسٹال لگائیں گے اور کم سے کم منافع کمائیں گے۔ انہوں نے کہا کہ میں اپنے دیگر ساتھیوں کو بھی دعوت دیتا ہوں کہ اس کارخیر میں شامل ہوجائیں۔

دوسری جانب تاجر رہنماؤں کے ساتھ گفتگو میں ایڈمنسٹریٹر میونسپل کارپوریشن گلگت کیپٹن (ر) محمد شاہ رخ چیمہ نے کہا ہے کہ ضلعی انتظامیہ اور میونسپل کارپوریشن کے تعاون سے لگائے جانے والے رمضان سستا بازار میں عوام کیلئے تمام اشیائے ضرویہ دستیاب ہوں گی۔

صاحب حیثیت تاجروں کے تعاون سے رمضان بازار میں روزہ داروں کیلئے اشیاء 10 سے 20 روپے کم قیمت پر ملنے لگی ہیں۔ تاجروں کے تعاون سے یہ رمضان بازار عوام اور روزہ داروں کیلئے نعمت سے کم نہیں ہوگا۔

انہوں نے کہا کہ رمضان المبارک کے مقدس مہینے میں روزہ داروں کو سہولت دینے کیلئے رمضان سستا بازار کے انتظامات مکمل کرلئے ہیں، تاجروں کی سہولت کیلئے رمضان بازار کیلئے شامیانے اور قنات لگا دیئے گئے ہیں۔ جبکہ اسٹالوں کیلئے جگہ بھی جلد الاٹ کردی گئی ہے۔

رمضان بازار میں معیاری اشیائے خورو نوش کی فراہمی یقینی بنانے کیلئے میونسپل فوڈ انسپکٹر کی نگرانی میں ٹیم کام کر رہی ہے، جبکہ سیکورٹی انتظامات بہتر بنانے کیلئے میونسپل پولیس فورس کے ساتھ گلگت بلتستان پولیس کے جوان روزانہ کی بنیاد پر ڈیوٹی پر مامور کر دئیے ہیں۔