تازہ ترین
اوورسیز پاکستانیوں کی قانونی معاونت کیلئے ادارہ بنانے کا فیصلہاظہر علی ٹیسٹ اور بابر ٹی ٹوئنٹی کپتان مقرر۔ سرفراز فارغمولانا فضل الرحمان کا دھرنے کا اعلان۔ کنٹینرز بھی بنوالئےالیکشن کمیشن ارکان کے مستقبل کا فیصلہ ہونے کے قریبزلزلے سے اموات کی تعداد 38 ہوگئی۔ سینکڑوں افراد بے یارو مددگاربائیو میٹرک تصدیق کے باوجود بینک اکاؤنٹس آپریشنل نہ ہونیکی شکایاتملکی تاریخ میں پہلی بار مرغی 400 روپے کی ہوگئیگستاخ ٹیچر نوتن لعل کو قرار واقعی سزا دینے کا مطالبہنارتھ کراچی صنعتی ایریا میں ڈاکوؤں کا راجپنجاب حکومت نے ایڈز کنٹرول پروگرام کے فنڈز روک لئےافغانستان میں این ڈی ایس کمپاؤنڈ کے قریب دھماکہ۔ 30 ہلاکافغان طالبان کے حملے تیز۔ غنی حکومت کیلئے الیکشن درد سر بن گیاپولیسٹر فلامنٹ یارن پر دوبارہ ریگولیٹری ڈیوٹی عائد کئے جانے کا امکانسیاسی قیدیوں کو ڈیل پر مجبور کرنے کیلئے بلیک میلنگ شروعوفاق میں ساری ٹیم مشرف کی ہے۔ رضا ربانیپی ٹی آئی حکومت کے خاتمے کیلئے نواز شریف کا بڑا فیصلہسنسرشپ کا سامنا کرنے والے ممالک میں پاکستان کا 39واں نمبردورہ پاکستان کیلئے سری لنکا کی بے بی ٹیم کا اعلانبھارت کشمیر سے کرفیو کیوں نہیں اٹھا رہا؟ پاکستانی حکومت غافلجنوبی افریقہ: ہر 3 گھنٹے میں ایک عورت قتل کردی جاتی ہے

ملکی تاریخ میں پہلی بار مرغی 400 روپے کی ہوگئی

ملکی تاریخ میں پہلی بار مرغی 400 روپے کی ہوگئی
  • واضح رہے
  • ستمبر 22, 2019
  • 3:27 شام

ملک کے سب سے بڑے شہر کراچی میں مرغی کا گوشت اب بھی مزید مہنگا ہونے کا خدشہ ہے۔ جبکہ لاہور میں بھی قیمتیں بڑھی ہیں

ملک میں برائلر مرغی کی قیمتیں آسمان سے باتیں کرنے لگیں۔ کراچی میں مرغی کے گوشت کی قیمتوں میں مسلسل اضافے کے بعد اب یہ قیمت 400 روپے کی سطح پر آگئی ہے۔ یہ ملکی تاریخ میں پہلی بار ہوا ہے کہ مرغی کا گوشت 400 روپے فی کلو کے حساب سے فروخت کیا جا رہا ہے۔ شہر میں زندہ مرغی (برائلر) کی قیمت 250 تک جا پہنچی ہے۔ موسم گرم اور فیڈ مہنگی ہونے کے باعث مرغی کی نرخ میں مزید اضافے کا خدشہ ظاہر کیا جا رہا ہے۔

ملک کے سب سے بڑے شہر کراچی کے دکانداروں کا کہنا ہے کہ مرغی کے ریٹ گزشتہ ہفتے سے بڑھ رہے ہیں۔ عوام ان سے جھگڑتے ہیں کہ اتنی مہنگی مرغی کیوں بیچ رہے ہو۔ تاہم قیمتوں کا تعین کرنا ان کے اختیار میں نہیں۔ جب مرغی مہنگی لائیں گے تو کم قیمت پر کیسے بیچیں گے۔

ادھر کمشنر کراچی کی آج کی پولٹری پرائس لسٹ میں برائلر مرغی کے گوشت کی قیمت 378 روپے مقرر کی گئی ہے۔ جبکہ زندہ مرغی کا ریٹ 244 روپے رکھا گیا ہے۔ اسی طرح فی درجن انڈے (فارم) کے تھوک نرخ 95 روپے اور خوردہ قیمت 98 روپے ہے۔ تاہم شہر بھر میں انڈے 120 روپے درجن کے حساب سے ہی فروخت کئے جا رہے ہیں۔

واضح رہے کہ گزشتہ ہفتے شہر بھر میں مرغی کی فی کلو قیمت 360 روپے تھی، جس میں جمعرات سے اب تک 40 روپے کا اضافہ ہوا ہے۔ جبکہ سرکاری نرخ بھی بدستور بڑھائے جا رہے ہیں۔

اس حوالے سے پولٹری عہدیداران کا کہنا ہے کہ ڈالر کے مقابلے میں روپے کی قدر گرنے کے باعث مرغیوں کی فیڈ بہت زیادہ مہنگی ہوگئی ہے۔ جبکہ موسم گرما کے دوران مرغی کی طلب میں کسی حد تک اضافہ بھی ہوجاتا ہے، جو قیمتوں میں ہوش رُبا اضافے کا سبب ہے۔

ادھر لاہور میں برائلر مرغی کے گوشت کی قیمت میں 4 روپے اضافہ ہوگیا اور ریٹ 287 سے بڑھ کر 291 روپے کلو ہو گیا ہے۔ تاہم ایک درجن فارمی انڈوں کی قیمت 100 روپے کی سطح پر برقرار رہی۔