تفصیلات کے مطابق کراچی میں 5 سے 8 مئی کے دوران ہیٹ ویو کی پیشگوئی کردی گئی ہے۔ محکمہ موسمیات کے مطابق کراچی میں درجہ حرارت 40 سے 42 ڈگری رہنے کا امکان ہے۔ ماہرین نے کہا ہے کہ عوام 12 سے 3 بجے کے درمیان گھروں سے باہر نہ نکلیں اور دھوپ سے احتیاط کریں۔

ادھر اتوار کے روز ملک کے بالائی وسطی علاقوں میں مطلع جزوی ابر آلود رہا۔پیر کے روز بھی ملک کے بیشتر علاقوں میں موسم خشک اور گرم رہے گا۔ تاہم خیبر پختونخواہ، اسلام آباد، پنجاب، کشمیر اور گلگت بلتستان میں آندھی اور گرج چمک کے ساتھ بارش کا امکان ہے۔ اس دوران چند مقامات پر ژالہ باری کا بھی امکان ہے۔

گذشتہ 24 گھنٹے کا موسم ملک کے مختلف علاقوں میں ریکارڈ کی گئی بارش (ملی میٹر): خیبرپختونخوا: سیدوشریف 60 ، مالم جبہ 37 ، بالاکوٹ 31 ، کاکول 19 ، پٹن 18 ، چراٹ 12 ، پاراچنار 10 ، میرکھانی ، کالام 08 ، دیر 04 ، چترال 03 ، پشاور (ائیرپورٹ 06 ، سٹی02) ، پنجاب: حافظ آباد 37 ، جوہرآباد 27 ، راولپنڈی (شمس آباد 25 ، چکلالہ 16) ، مری ، گوجرانوالہ 15 ، اسلام آباد (بوکرا 16 ، ائیر پورٹ 15 ، سید پور 10 ، زیروپوئینٹ 08 ، گولڑہ 06) ، گجرات 09 ، چکوال 08،سیالکوٹ (ائیر پورٹ ، سٹی 05) ، منڈی بہاولدین ، جہلم 04 ، لاہور (سٹی 01) ، نارووال 01 ، کشمیر: گڑھی دوپٹہ 22 ، مظفرآباد 17 ، کوٹلی 12 ، راولکوٹ 08 ، بلوچستان: لسبیلہ 17 ، نوکنڈی 06 ، دالبندین 04 ، کوئٹہ ( سٹی ، ائیرپورٹ02) ، گلگت بلتستان: گلگت 05 ، چلاس 04 ، بونجی ، استور 03 ، گوپیس میں 01 ملی میٹر بارش ریکارڈ کی گئی۔

گزشتہ روز ریکارڈ کیے گئے زیادہ سے زیادہ درجہ حرارت: شہید بینظیر آباد 47، سکرند، دادو اور جیکب آباد میں 46 ڈگری سینٹی گریڈ ریکارڈ کیا گیا۔