محراب پور ۔۔۔۔۔ درگاہ سید احمد علی شاہ کے سجادہ نشین سید نبن شاہ کے فرزند سید احمد علی شاہ نے پاکستان تحریک انصاف اورشیعہ علماء کونسل کی بنیادی ممبر شپ چھوڑ کر اپنے مریدوں سمیت پاکستان پبلک رائٹس پارٹی میں شمولیت اختیار کرلی۔

سید احمد علی شاہ نے سرائی خورشید علی اور سلیم حسن خاصخیلی کے ہمراہ پریس کانفرنس کرتے ہوئے کہا کہ پی ٹی آئی اپنے ایجنڈا پر پوری نہیں اتری اس لئے دوستوں ، مریدوں اور اپنے ہم خیال حلقہ احباب کے مشورے پر اس سے کنارہ کشی اختیار کرلی ہے۔

انہوں نے کہا کہ میں نے آج باضابطہ طور پر پاکستان پبلک رائٹس پارٹی میں شمولیت کا اعلان کیا ہے، جس کا ایجنڈا ہی عوامی خدمت ہے اور ہم بھی اسی مشن کو لے کر آگے بڑھیں گے۔