گرفتارملزم کے قبضہ سے چرس40کلو گرام اور افیون10کلو گرام برآمد ہوئی ہے ملزم یہ منشیات علاقہ غیر سے لیکر مختلف علاقوں میں فروخت کرتا تھا جسکے خلاف منشیات سمگلنگ کی دفعات کے تحت مقدمہ درج کرلیا گیا ڈی ایس پی کوٹ مومن اعجاز حسین شاہ،ایس ایچ او ملک خدا بخش نے کہا ہے کہ منشیات فروشی ایک لعنت ہے جو ہمارے معاشرے کو تباہ کر رہی ہے منشیات فروش کسی رعایت کے مستحق نہیں یہ ہمارے آنے والے مستقبل کو خطرات سے دوچارکررہے ہیں وہ تھانہ کوٹ مومن میں پریس کانفرنس سے خطاب کرتے ہوئے کیا۔انہوں نے کہا کہ کوٹ مومن ایک بڑی تحصیل ہے اور موٹروے کے ساتھ ہونے کی وجہ سے جرائم پیشہ عناصر کی گزرگاہ ہے اوراس راستے سے بڑی مقدار میں منشیات کی سمگلنگ ہوتی ہے علاقہ کے کچھ لوگ اس میں ملوث ہوتے ہیں جن کی سرگودھا پولیس کو کافی عرصہ سے تلاش تھی۔ایس ایچ او تھانہ کوٹ مومن انسپکٹر خدا بخش نے سب انسپکٹر یاران گل،

اسسٹنٹ سب انسپکٹر منظور احمد احسن اورکنسٹیبل توقیر عباس وغیرہ پر مشتمل ٹیم کے ہمراہ تھانہ کوٹ مومن کے علاقہ فوارہ چوک میں دوران سنیپ چیکنگ کارنمبریLHP-5144میں سوار ملزم عابد علی ولد فرزند علی قوم راجپوت سکنہ کوٹ مومن کو بھاری مقدار میں منشیات سمگلنگ کرتے ہوئے گرفتارکرلیا ہے۔ گرفتارملزم کے قبضہ سے چرس40کلو گرام اور افیون10کلو گرام برآمد ہوئی ہے ملزم یہ منشیات علاقہ غیر سے لیکر مختلف علاقوں میں فروخت کرتا تھا جسکے خلاف منشیات سمگلنگ کی دفعات کے تحت مقدمہ درج کرلیا گیا ہے جبکہ منشیات سمگلنگ میں استعمال ہونے والی کارکو بھی قبضہ پولیس میں لے لیا گیا ہے ملزم کی نشاندہی پر مزید کاروائی کی جارہی ہے۔اس موقع پر صدر کوٹ مومن پریس کلب رانا الماس حنیف،ڈاکٹر قمر فاروق رانا،ملک حبیب الرحمن،خواجہ آصف رفیع،ولایت انجم سمیت دیگر بھی موجود تھےمزید برآں ڈی پی او سرگودھا فیصل گلزار نے منشیات سمگلروں کے خلاف بڑی کاروائی کرنے پر ایس ایچ او تھانہ کوٹ مومن اور انکی ٹیم کو تعریفی سر ٹیفکیٹ ونقدانعام دینے کا اعلان کیا ہے۔