بلوچستان نیشنل پارٹی کی صوبے بھر میں احتجاج کی دھمکی

balochistan national party ki soobe bhar main ehtijaj ki dhamki

واضح رہے
دسمبر 19, 2020
9:31 شام

پی ٹی آئی حکومت اتحاد سے الگ ہونے پر بی این پی مینگل گروپ کو انتقام کا نشانہ بنا رہی ہے۔ جہانزیب جمالدینی کی پریس کانفرنس

کوئٹہ: بلوچستان نیشنل پارٹی مینگل (بی این پی) کے مرکزی سیکریٹری جنرل سینیٹر ڈاکٹر جہانزیب جمالدینی نے کہا ہے کہ 2 روز میں بی این پی کے مرکزی رہنما جان محمد گرگناڑی بازیاب نہ ہوئے تو 22 دسمبر کو بلوچستان بھر میں شاہراہیں بلاک کردیں گے۔

کوئٹہ پریس کلب میں پریس کانفرنس کرتے ہوئے سینیٹر ڈاکٹر جہانزیب جمالدینی نے کہا کہ پارٹی نے فیصلہ کیا ہے کہ ہم حکومت کو دو دن کا الٹی میٹم دیتے ہیں اگر دو روز میں جان محمد گرگناڑی بازیاب نہ ہوئے تو بلوچستان بھر میں قومی شاہراہوں کو بلاک کریں گے۔

انہوں نے کہا کہ حکومت اتحاد سے الگ اور بلوچستان کے حقوق کی بات کرنے پر بی این پی کو انتقام کا نشانہ بنا رہی ہے۔ گوادر کو باڑ لگا کر بلوچستان سے الگ کیا جارہا ہے، جس کی مذمت کرتے ہیں۔ بلوچستان ایک ہے۔ شمالی اور جنوبی بلوچستان نام کی کوئی چیز نہیں ہے۔ اس تقسیم کرنے والے خود ختم جائیں گے۔

واضح رہے

اردو زبان کی قابل اعتماد ویب سائٹ ’’واضح رہے‘‘ سنسنی پھیلانے کے بجائے پکّی خبر دینے کے فلسفے پر قائم کی گئی ہے۔ ویب سائٹ پر قومی اور بین الاقوامی حالات حاضرہ عوامی دلچسپی کے پہلو کو مدنظر رکھتے ہوئے پیش کئے جاتے ہیں۔