الخدمت فاونڈیشن سرگودھا شمالی کے زیراہتمام لاکھوں روپے مالیت کا راشن تقسیم

رانا الماس حنیف
مئی 20, 2020
9:33 صبح

عید کے موقع پر لاک ڈائون سے متاثرہ خاندانوں میں لاکھوں روپے مالیت کا راشن تقسیم کیا گیا اس سے قبل بھی الخدمت فاونڈیشن کروڑوں روپے مالیت کا راشن،افطار بکس،صابن،سینیٹائزر اور ماسک تقسیم کرچکی ہے صدر الخدمت پنجاب رضوان احمد،رانا ندیم علی کی" واضح رہے"سے گفتگو اسسٹنٹ کمشنر محمد جعفر چوہدری کی تقریب میں خصوصی شرکت

الخدمت فاؤنڈیشن ضلع سرگودھا شمالی کے زیر اہتمام کوٹ مومن میں متاثرین کرونا وائرس کے لیے آج 150 راشن بیگ کا اہتمام کیا گیا. تقریب کے مہمان خصوصی صدر الخدمت فاؤنڈيشن شمالی پنجاب رضوان احمد ، اسسٹنٹ کمشنر کوٹمومن جعفر حسین تھے. صدر الخدمت فاؤنڈيشن سرگودھا شمالی رانا ندیم علی کی میزبانی میں سرپرست الخدمت فاؤنڈیشن ضلع سرگودھا شمالی محترم عبدالمنعم اعوان، جنرل سیکرٹری الخدمت فاؤنڈیشن سرگودھا شمالی ابوبکر علی گجر، جنرل سیکرٹری جماعت اسلامی یوتھ شمالی پنجاب یاسر گجر،

تحصیل صدر الخدمت فاونڈیشن رانا امان اللہ، مقصود تابش اور دیگر مقامی عہدیداران اور ذمہ داران نے شرکت کی تقریب سے خطاب کر تے ہوئے مقررین نے کہا کہ کورونا وائرس ایک گلوبل مسئلہ ہے جس سے نمٹنے کےلئے ہمیں اکٹھا ہوکر چلنا پڑے گا لاک ڈائون سے سب سے زیادہ متاثر سفید پوش طبقہ ہوا ہے جس کے لئے الخدمت فاونڈیشن نے عید کے موقع 150 خاندانوں کے لئے راشن کا انتظام کیا ہے انہوں نے کہاکہ پاکستان بھر میں الخدمت فاونڈیشن نے اس مشکل گھڑی میں ہم وطنوں کا ساتھ دیا ہے۔

رانا الماس حنیف

شعبہ صحافت میں پچھلے پندرہ سال سے موجود ہیں قومی اردو اور انگریزی اخبارات میں فیچر،کالم لکھتے ہیں قومی اخبارات میں بطور ایڈیٹر اور فیلڈ رپورٹنگ کا تجربہ رکھتے ہیں نیوز چینلز کے ساتھ بطور رپورٹر کام کرچکے ہیں کوٹ مومن پریس کلب کے دوسری مرتبہ صدر منتخب ہوئے ہیں سینئر صحافی اور بانی کوٹ مومن پریس کلب رانا محمد حنیف مرحوم کے صحافتی جانشین ہیں