بھارتی میڈیا کے مطابق طیارہ تکنیکی  خرابی کے باعث گر کر تباہ ہوا تاہم  پائلٹ محفوظ ہے۔گزشتہ روز بھی سکم کے علاقے میں ایک بھارتی ہیلی کاپٹر نے ہنگامی لینڈنگ کی تھی تاہم  ہیلی کاپٹر میں سوار 6 افراد کو بحفاظت نکال لیا گیا تھا۔

واضح رہے کہ  بھارتی فضائیہ کی حالت انتہائی مخدوش  ہے  ۔گزشتہ سال بھارتی وزیر دفاع راج ناتھ سنگھ نے ایٹمی ہتھیاروں کے استعمال سے متعلق پالیسی میں تبدیلی کی دھمکی دی تھی لیکن بھارت کے ائیرچیف نے خود ہی اپنے ادارے کے مخدوش حالات کا بھانڈا پھوڑ ڈالا تھا۔ بھارتی ائیرچیف بریندر سنگھ دھنووا نے نئی دہلی میں ہونے والے سیمینار میں بھارتی وزیردفاع راج ناتھ سنگھ کی موجودگی میں کہا تھا کہ مگ 21 طیارے 44 سال پرانے ہوچکے ہیں۔ انہوں نے کہا تھا کہ ہم اب بھی مگ 21 طیارے اُڑارہے ہیں، اتنی پرانی تو کوئی گاڑیاں بھی نہیں چلاتا۔ خیال رہے کہ روسی ساختہ مگ 21 طیارے بھارتی فضائی بیڑے میں 74-1973 میں شامل کیے گئے تھے اور یہ طیارے اب بھی بھارتی فضائیہ استعمال کرتی ہے۔ کئی مگ 21 طیارے دوران پرواز حادثات کا شکار ہوچکے ہیں۔

واضح رہے کہ پاکستان نے 2 بھارتی طیارے مار گرائے تھے جس میں ایک مگ 21 بھی شامل تھا۔ پاکستان نے گرائے جانے والے مگ 21 کے بھارتی پائلٹ ابھی نندن کو گرفتار کیا تھا جسے بعد ازاں پروقار طریقے سے واہگہ بارڈر کے ذریعے بھارتی حکام کے حوالے کیا گیا تھا۔